პარტია „ქართული ოცნება - დემოკრატიული საქართველოს“ აღმასრულებელი მდივანი, პარლამენტის თავმჯდომარე ირაკლი კობახიძე მარტვილის მერობის კანდიდატ ალექსანდრე გრიგალავას ადგილობრივი თვითმმართველობის არჩევნების მეორე ტურში წარმატებას უსურვებს და მოსახლეობას მისი მხარდაჭერისკენ მოუწოდებს.

ამის შესახებ ირაკლი კობახიძემ მარტვილის მუნიციპალიტეტის კულტურისა და ახალგაზრდობის განვითარების ცენტრში, ადგილობრივ ამომრჩეველთან გამართულ შეხვედრაზე განაცხადა.

როგორც პარლამენტის თავმჯდომარემ აღნიშნა, ალექსანდრე გრიგალავას გამარჯვება მარტვილისა და მთელი საქართველოს გამარჯვებას ნიშნავს.

„ჩვენ მოვახერხეთ და საპარლამენტო არჩევნებში დამაჯერებელ გამარჯვებას მივაღწიეთ. ამის შემდეგ, ჩავატარეთ ადგილობრივი თვითმმართველობის არჩევნები, სადაც ყოველმა მეორე ამომრჩეველმა - 56%-მა „ქართულ ოცნებას“ დაუჭირა მხარი. ეს თითოეული ჩვენგანის ძალისხმევისა და ერთად დგომის შედეგია“, - განაცხადა ირაკლი კობახიძემ.

მისივე თქმით, მმართველ გუნდს ადგილობრივი თვითმმართველობების გაძლიერებისთვის კონკრეტული გეგმები აქვს, რაც თითოეულ რეგიონზე დადებითად აისახება.

„ამ კუთხით ძალიან ბევრი რეფორმა გატარდება, რომელიც თითოეულ რეგიონზე და მათ შორის, მარტვილზე დადებითად აისახება. მინდა ალექსანდრე გრიგალავას წარმატება ვუსურვო. მან გასული ოთხი წლის განმავლობაში, მარტვილისთვის ძალიან ბევრი რამ გააკეთა. ახლა მოსახლეობის მხრიდან ძალიან მაღალი მხარდაჭერაა საჭირო იმისთვის, რომ ალექსანდრე გრიგალავა ახალ თანამდებობას განახლებული ენერგიით შეუდგეს და მარტვილის განვითარებაზე იზრუნოს“, - მიმართა ირაკლი კობახიძემ მარტვილელ ამომრჩეველს.

„ქართული ოცნება - დემოკრატიული საქართველოს“ ლიდერები დღეს, ქუთაისის შემდეგ, მარტვილში იმყოფებოდნენ და ადგილობრივ ამომრჩეველთან შეხვედრა გამართეს. შეხვედრას, რომელიც მარტვილის მერობის კანდიდატის მხარდასაჭერად გაიმართა, პარტიის გენერალური მდივანი კახა კალაძე, სამეგრელო-ზემო სვანეთის რეგიონში სახელმწიფო რწმუნებული ლევან შონია და პარლამენტის წევრები ესწრებოდნენ.

(NS)

ავტორი: ,

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი