“ჩვენ, პრაქტიკულად, მოვახერხეთ საუბარი ყველა იმ მნიშვნელოვან ელემენტზე, რომელიც თან ახლავს ისეთ საფრთხეებს, როგორიცაა ჰიბრიდული ომი, კიბერუსაფრთხოება, საქართველომ ეს 2008 წელს და შემდგომაც სამწუხაროდ,  არაერთხელ განიცადა",-ამის შესახებ ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ უკრაინაში, „კიევის ტრანსატლანტიკურ დიალოგები“-ს სადისკუსიო პანელის დასასრულს განაცხადა. 

სახელმწიფო მინისტრი  სესიაზე  „კიბერ და საინფორმაციო ომი-კონფლიქტთან გამკლავების ახალი გზები-კიბერ და საინფორმაციო საშუალებები“(Dealing with Conflict by Other Means — From Cyber to Information Warfare) სიტყვით გამოვიდა და აღნიშნა, რომ განათლება არის ერთ-ერთი ყველაზე მძლავრი იარაღი, რომ ამგვარმა პროპაგანდამ არასოდეს იმუშაოს. 

"ის თანამშრომლობა ნატოსთან და ევროკავშირთან, ის სტრატეგიები და სამოქმედო გეგმები, რომელსაც აწარმოებს ჩვენი ქვეყანა, მათ შორის, სამოქალაქო სექტორთან თანამშრომლობით, არის ძალიან მნიშვნელოვანი ელემენტი და ყველა ვთანხმდებით იმაზე, რომ უნდა გადავიდეთ ჩვენი მოქალაქეების ცნობიერების ამაღლებაზე, განათლება არის სწორედ ერთ-ერთი ყველაზე მძლავრი იარაღი იმისა, რომ ამგვარმა პროპაგანდამ მომავალში აღარასოდეს იმუშაოს",-აღნიშნა ვიქტორ დოლიძემ. 

დისკუსიის მონაწილეებმა რეგიონსა და ზოგადად, მსოფლიოში უსაფრთხოების კუთხით არსებულ ვითარებაზე, თანამედროვე გამოწვევებზე, არატრადიციული საფრთხეების იდენტიფიცერიბის მნიშვნელობასა და ბრძოლის საშუალებებზე  იმსჯელეს. 

საერთაშორისო კონფერენცია „კიევის ტრანსატლანტიკური დიალოგები“ 26-27 ოქტომბერს, ამერიკის შეერთებული შტატების გერმანიის მარშალის ფონდის(The German Marshall Fund of the United States) ორგანიზებით გაიმართა. 
სამუშაო სესიები ჩეთემ ჰაუსის(Chatham House) წესებით ჩატარდა. 
აღსანიშნავია, რომ „კიევის ტრანსატლანტიკური დიალოგების“ მიზანია მსოფლიოს სხვადასხვა ქვეყნების პოლიტიკური ლიდერების, ასევე, ამერიკელი, ევროპელი და უკრაინელი პოლიტილოგებისა და ანალიტიკოსების  მონაწილეობით ტრანსატლანტიკური დღის წესრიგის განსაზღვრა და მსჯელობა ყველაზე მწვავე უსაფრთხოების გამოწვევებზე. 

(NS) 

ავტორი: ,

სოციალური ქსელები

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა

შსს მალანიაზე: ჰქონდა ინფორმაცია ავალიანზე თავდასხმაზე და პოლიციას არ შეატყობინა

დროა: ელენე ხოშტარია ციხიდან ვივამედში გადაჰყავთ, უკვე გზაშია