იურიდიულ საკითხთა კომიტეტის სხდომაზე, სადაც საკონსტიტუციო ცვლილებების პროექტზე პრეზიდენტის მოტივირებულ შენიშვნებს განიხილავენ, უმრავლესობის წარმომადგენლებმა  და პრეზიდენტის საპარლამენტო მდივანმა ანა დოლიძემ იკამათეს.

„ბევრი ადამიანისგან განსხვავებით, მე არასოდეს გავმხდარვარ რომელიმე პარტიის წევრი, რომ ბოლო ნომრად შევსულიყავი საქართველოს პარლამენტში“, - ხმაური ანა დოლიძის ამ განცხადებას მოჰყვა, რომელიც მან მმართველი გუნდის წევრ ანრი ოხანაშვილის მისამართით გააკეთა.

მანამდე, ანრი ოხანაშვილმა ანა დოლიძეს ჰკითხა, ხომ არ წარმოადგენდა რომელიმე ოპოზიციურ პარტიას.

ანა დოლიძე პიროვნულ შეურაცხყოფაში დაადანაშაულეს. სხდომის თავმჯდომარემ მას  და პოლემიკის მონაწილე ყველა დეპუტატს  მიკროფონი გაუთიშა.

„პიროვნული დაპირისპირების ველი არ არის პარლამენტის დარბაზი, პარლამენტი  არის პოლიტიკური პროცესის, სამართლებრივი პროცესის ადგილი“,- აღნიშნა ბესელიამ.

ამასთან, უმრავლესობის წევრმა ვანო ზარდიაშვილმა განაცხადა, რომ პრეზიდენტის წარმომადგენელი ყველანაირ მანიპულაციას იყენებს იმისთვის, რომ ქართველი ხალხის მირ არჩეულ დეპუტატებს  კითხვებზე პასუხი არ გასცეს.

ავტორი: ,

სოციალური ქსელები

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი

გერმანიას შესაძლოა პირველი ქალი პრეზიდენტი ეყოლოს