2017-10-10 19:41:34, 2119 ნახვა
პოლიტიკა
საპარლამენტო უმრავლესობა პრეზიდენტის ვეტოსთან დაკავშირებით რიგგარეშე სხდომის გამართვას 13 ოქტომბერს გეგმავს
საპარლამენტო უმრავლესობა საკონსტიტუციო ცვლილებებზე პრეზიდენტის მიერ წარდგენილი მოტივირებული შენიშვნების განსახილველად, რიგგარეშე სხდომის გამართვას 13 ოქტომბერს გეგმავს.
ამის შესახებ ბიუროს სხდომაზე პარლამენტის თავმჯდომარე ირაკლი კობახიძემ განაცხადა.
„ხვალ ვგეგმავ 11 საათზე მივმართო საქართველოს პრეზიდენტს რიგგარეშე სხდომის მოწვევის მოთხოვნით საქართველოს კონსტიტუციისა და პარლამენტის რეგლამენტის შესაბამისად. მოთხოვნაში აღნიშნული იქნება, რომ სხდომა გვსურს გაიმართოს 13 ოქტომბერს 11 საათიდან“, - აღნიშნა პარლამენტის თავმჯდომარემ.
შეგახსენებთ, პრეზიდენტმა საკონსტიტუციო ცვლილებების პროექტს ვეტო გუშინ დაადო და პარლამენტს მოტივირებული შენიშვნებით გადაუგზავნა.
![]()
ავტორი: ,
epn.ge (@expressnews.ge)
