გენერალურმა აუდიტორმა ირაკლი მექვაბიშვილმა უწყებაში განხორციელებულ საკადრო ცვლილებებთან დაკავშირებით სპეციალური ბრიფინგი გამართა.მექვაბიშვილის თქმით, ცვლილებები აუცილებელი იყო, რათა აუდიტის სამსახური გაცილებით ეფექტური გამხდარიყო.

კერძოდ, ახალმა გენერალურმა აუდიტორმა, ირაკლი მექვაბიშვილმა თანამდებობიდან გაათავისუფლა ორი მოადგილე - ნინო ლომჯარია და დევი ვეფხვაძე და თანამდებობაზე დატოვა მხოლოდ ნოდარ ჯავახიშვილი.

„ბატონ ნოდარს აქვს უაღრესად დიდი გამოცდილება საჯარო სექტორში და ვფიქრობ, რომ ეს გუნდი, ორი ახალი წევრი, რომლებსაც, ფაქტობრივად, არ აქვთ გამოცდილება საჯარო სექტორში და ბატონი ნოდარის ენერგიის შედეგად, ჩვენ მივიღებთ საკმაოდ ძლიერ გუნდს და ეს ცვლილებები აუცილებელი იყო იმისთვის, რომ აუდიტის სამსახური გამხდარიყო გაცილებით ეფექტური. ეს ინფორმაცია არ შეესაბამება სიმართლეს. ეს იყო, ვიმეორებ, ჩემი გადაწყვეტილება, რომელიც დაფუძნებული იყო პროფესიონალურ კუთხეზე“,-განაცხადა ირაკლი მექვაბიშვილმა.

ამასთან, მექვაბიშვილი უარყოფს გავრცელებულ ინფორმაციას, თითქოს ნინო ლომჯარიას გათავისუფლება მას იუსტიციის მინისტრმა ურჩია. თუმცა, არ მალავს, რომ თეა წულუკიანს შეხვდა:

„ქალბატონ თეას მე შევხვდი და ჩვენ მიმდინარე საკითხები გავიარეთ, რომელიც ეხებოდა აუდიტის სამსახურსა და იუსტიციის სამინისტროს შორის თანამშრომლობას. არანაირი რჩევები მას არ მოუცია. თვითონაც ჩადგებოდა უხერხულ მდგომარეობაში ამ თემებთან დაკავშირებით რომ ჩვენ გველაპარკა,“ - განაცხადა ირაკლი მექვაბიშვილმა.

რაც შეეხება არასამთავრობო სექტორის ეჭვებს პოლიტიკურ მოტივაციასთან დაკავშირებით, ირაკლი მექვაბიშვილი ამბობს, რომ მზადაა, არასამთავრობო სექტორს შეხვდეს და მათ კითხვებზე პასუხი გასცეს.

ავტორი: ,

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება