"როგორც ოპოზიცია, ისე პრეზიდენტი და მისი ადმინისტრაცია განწყობილია იმისათვის, რომ დიალოგი გაგრძელდეს",-ამის შესახებ პრეზიდენტის მრჩეველმა პოლიტიკურ საკითხებში ფიქრია ჩიხრაძემ პრეზიდენტის სასახლეში ოპოზიციის წარმომადგენლებთან შეხვედრის დასრულების შემდეგ განაცხადა.

მისივე თქმით, პრეზიდენტის ადმინისტრაცია მზადაა, " ქართულ ოცნებას" შეხვდეს:

"ვეტოსთან დაკავშირებით უკვე ერთგვარი კონსესუსი არსებობს ქართულ პოლიტიკურ საზოგადოებაში. ვეტოს  ითხოვს პოლიტიკური ოპოზიცია და ვეტოს ითხოვს ქართული ოცნება. შესაძლოა საკითხების ნუსხა განსხვავებული იყოს, მაგრამ არის საკითხები, რომლებიც ორივე მხარის მოთხოვნებში ფიგურირებს. აქედან გამომდინარე დღეს იყო შეხვედრა პოლიტიკურ ოპოზიციასთან. სამწუხაროა, რომ ქართული ოცნების წარმომადგენლები არ იყვნენ, მაგრამ როგორც ოპოზიცია, ისე პრეზიდენტი და მისი ადმინისტრაცია განწყობილია იმისათვის, რომ დიალოგი გაგრძელდეს. ჩვენ  შევხვდებით ქართულ ოცნებას თუ ამისი  სურვილი მათი მხრიდან იქნება, მოვისმენთ მათ მოსაზრებებს, როგორ წარმოუდგენიათ ეს პროცესი და ამავე დროს, გავაგრძელებთ დიალოგს ისევ ოპოზიციურ პოლიტიკურ ძალებთანაც",-აღნიშნა ფიქრია ჩიხრაძემ.

ავტორი: ,

სოციალური ქსელები

„ქართული ოცნების“ გამოცხადებული ღალატის ქრონიკა

კობახიძემ შპს „სოლიდუსს“ სამი თვით გაუგრძელდა ოკუპირებულ ტერიტორიაზე საქმიანობისთვის სპეციალური თანხმობის მოქმედება

ერთ-ერთი კომპანია, რომელმაც ოკუპირებულ აფხაზეთში ბენზინი შეიტანა „სოლიდუსია“ მისი მფლობელი გიორგი არველაძეა

sCoolApp-ის სპეციალური შეთავაზება მშობლებისთვის