"დემოკრატიული მოძრაობის" ლიდერის ნინო ბურჯანაძის განცხადებით, საქართველოს მესამე პრეზიდენტი მიხეილ სააკაშვილი "ცე-რე-უს" "სერიოზული პროექტების" ფარგლებში მუშაობს, - ამის შესახებ პარლამენტის ყოფილმა თავმჯდომარემ "დამოუკიდებელ გაზეთთან" ინტერვიუში განაცხადა.

"ბევრს აქვს სურვილი რუსეთში დაგეგმილი საფეხბურთო ჩემპიონატი ჩაშალოს, ასევ გავლენა იქონიოს ქვეყანაში დაგეგმილ საპრეზიდენტო არჩევნებზე. სწორედ ამ ძალებს სურთ, რომ რუსეთს უკრაინაში, მოლდოვაში და სავარაუდოდ საქართველოშიც, სერიოზული პრობლემები შეექმნას. სააკაშვილი - არის იდეალური კანდიდატი ამ გეგმის განსახორციელებლად", - განაცხადა ბურჯანაძემ.

მანვე დასძინა, რომ კონკრეტულად არ იცის რისი გაკეთება შეუძლია სააკაშვილს.

"მაგრამ, თუ უკრაინაში სიტუაცია გამწვავდება, დესტაბილიზაციის პროცესი დაიწყება, ეს რუსეთზე გავლენას იქონიებს, რადგან რუსეთს მოუწევს საპასუხო პოლიტიკური ქმედებები მიიღოს, დიპლომატიური ნაბიჯები განახორციელოს", - აღნიშნა პოლიტიკოსმა.

ცნობისთვის, მსოფლიო ჩემპიონატი ფეხბურთში, რუსეთში, 2018 წლის 14 ივნისიდან დაიწყება. 11 ქალაქი ჩემპიონატის ფარგლებში გამართულ მატჩებს უმასპინძლებს.

ავტორი: ,

სოციალური ქსელები

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი

გერმანიას შესაძლოა პირველი ქალი პრეზიდენტი ეყოლოს