საქართველოს პარლამენტის თავმჯდომარე ირაკლი კობახიძე ეთანხმება პატრიარქს, რომ კონსტიტუციურ მონარქიას პოლიტიკურ და სახელმწიფოებრივ ცხოვრებაში სიმშვიდე შემოაქვს.

თუმცა, კობახიძის თქმით, ამ საკითხზე განცხადებას მხოლოდ პატრიარქთან შეხვედრის შემდეგ გააკეთებენ.

ამასთან, კობახიძე ამბობს, რომ კომისიის სხდომაზე კონსტიტუციური მონარქიის საკითხზე საუბარი არ ყოფილა.

"გვექნება აუცილებლად შეხვედრა პატრიარქთან და ამ შეხვედრის შემდეგ შეგვეძლება განცხადების გაკეთება ამ  საკითხზე. ზოგადად, რაც ბრძანა უწმინდესმა, ეს ჭეშმარიტებაა, საუბარია იმაზე, რომ კონსტიტუციურ მონარქიას შემოაქვს სიმშვიდე პოლიტიკურ ცხოვრებაში, სახელმწიფოებრივ ცხოვრებაში.ჩვენ უნდა გავითვალისწინოთ ყველაფერი, მათ შორის ჩვენი ქვეყნის სპეციფიკა.ამასთან დაკავშირებით გვექნება საუბარი, შეხვედრა. კომისიის წევრებს ეს საკითხი არ დაუსვამთ. უნდა შევხვდეთ პატრიარქს",-განაცხადა კობახიძემ და დასძინა, რომ ზოგადად კონსტიტუციური მონარქია პრეზიდენტის ინსტიტუტს გამორიცხავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

არ გაჩერების კულტურა კალათბურთში - საქართველოს ბანკი კალათბურთის ეროვნული ნაკრების გენერალური სპონსორია

AI სტიპენდია გოგოებისთვის - გახდი საქართველოს ბანკის სტიპენდიატი და ისწავლე ხელოვნური ინტელექტი 10 პროფესიულ აკადემიაში სრული დაფინანსებით

ყველა კითხვას გავცემ პასუხს, თუ ასეთი იქნება, ჯერჯერობით არ მოუმართავთ - თურნავა ყეინიშვილის საქმეზე

ოკუპირებულ აფხაზეთში დე ფაქტო პრეზიდენტს მონათვლას ულოცავენ