2017-06-16 17:36:39, 2452 ნახვა
პოლიტიკა საზოგადოება
ვენეციის კომისია: პრეზიდენტის არაპირდაპირი წესით არჩევა ევროპულ სტანდარტებს შეესაბამება
ვენეციის კომისიის შეფასებით, პრეზიდენტის არაპირდაპირი წესით არჩევა ევროპულ სტანდარტებს შეესაბამება. ინფორმაციას "საზოგადოებრივი მაუწყებელი" ავრცელებს.
როგორც ვენეციის კომისიის მიერ საქართველოს კონსტიტუციის პროექტის შესახებ მომზადებულ დასკვნაშია ნათქვამი, პრეზიდენტის არაპირდაპირი წესით არჩევა 2023 წლის არჩევნების დროს უნდა მოხდეს.
„სასურველია, ახალი სისტემა არ იყოს გამოყენებული მომავალ საპრეზიდენტო არჩევნებში და მხოლოდ 2023 წლიდან“, - აღნიშნულია გავრცელებულ ინფორმაციაში.
ამასთან, ვენეციის კომისიის დასკვნა სხვა მუხლებსაც შეეხება, მათ შორის პარლამენტსა და ქორწინების განსაზღვრის საკითხს.
ცნობისთვის, ვენეციის კომისიის დასკვნის სრული ტექსტი მის ვებგვერდზე ორშაბათს, 19 ივნისს გამოქვეყნდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
