„ვგლოვობ, ყველა იმ ადამიანთან ერთად, რომელსაც ბატონი გივი ბერიკაშვილი დააკლდება“, -ამის შესახებ  პრემიერ-მინისტრმა გიორგი კვირიკაშვილმა სახალხო  არტისტის გივი ბერიკაშვილის პანაშვიდზე დასწრების შემდეგ ჟურნალისტებს განუცხადა.

როგორც პრემიერმა აღნიშნა, გივი ბერიკაშვილი ყველა  ადამიანისთვის მაგალითის  მიმცემი იყო. 

„ძალიან დასანანია, რომ ასეთი ადამიანები გვტოვებენ. ბატონი გივი იყო ჭეშმარიტად სახალხო არტისტი და ის იყო ჭეშმარიტად მაგალითის მიმცემი მოქალაქე ძალიან  ბევრი ადამიანისთვის. ძალიან გული მტკივა, რომ ასე ადრე, ძალიან მოულოდნელად მოხდა მისი წასვლა ამ ქვეყნიდან, ის ყოველთვის დარჩება ჩვენს გვერდით იმიტომ რომ  მთელი ცხოვრების ძალიან ბევრი სასიხარულო მომენტი სწორედ ამ ადამიანთან ასოცირდება“,-განაცხადა პრემიერმა.

ცნობისთვის, გივი ბერიკაშვილის სამოქალაქო პანაშვიდი თითქმის დასრულდა. გარდაცვლილის ოჯახს კოლეგებმა, მეგობრებმა, პოლიტიკოსებმა და რიგითმა მოქალაქეებმა მიუსამძიმრეს.

გივი ბერიკაშვილს 15:00 საათზე, საბურთალოზე, ამაღლების ეკლესიის ეზოში დაკრძალავენ.

შეგახსენებთ, მსახიობი გივი ბერიკაშვილი 83 წლის ასაკში გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი და ბალტიისპირეთის ქვეყნები რუსეთის მიერ კაშხლების, გაზსადენებისა და ელექტროსადგურების საბოტაჟისთვის ემზადებიან

რუსეთის უზენაესმა სასამართლომ ოპოზიციური პარტია იაბლოკო დუმის არჩევნებიდან მოხსნა

ადვოკატმა უარი თქვა თელავის სასტუმროში მომხდარ ინციდენტში ბრალდებულის დაცვაზე

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.