აჭარის ავტონომიური რესპუბლიკის ჯანმრთელობისა და სოციალური დაცვის ზაალ მიქელაძე შუახევის მუნიციპალიტეტის გამგებელთან ერთად, თურქეთში  ავტოსაგზაო შემთხვევის შედეგად დაშავებულების მოსანახულებლად გაემგზავრა.

როგორც ზაალ მიქელაძემ „ექსპრესნიუსს“ განუცხადა, ხუთი დაშავებულიდან ერთის მდგომარეობა კრიტიკულია.

როგორი იქნება აჭარის ჯანდაცვის სამინისტროს ჩართულობა დაშავებულების დასახმარებლად-აღნიშნულის თაობაზე დეტალები სწორედ ჰოსპიტალში  მათი მისვლის  შემდეგ დაზუსტდება:

„აჭარის მთავრობის თავმჯდომარის, ზურაბ პატარაძის დავალებით,  მე და შუახევის მუნიციპალიტეტის გამგებელი, ტარიელ ებრალიძე,  მივდივართ თურქეთში. შუახევის მუნიციპალიტეტიდან არიან დაშავებულები.  საუბედუროდ, ერთი ახალგაზრდა ბიჭი გარდაიცვალა,  ხუთი კლინიკაშია მოთავსებული. მათ შორის ორს უკვე ჩაუტარდა ოპერაცია, ხოლო ერთი  მძიმე, კრიტიკულ მდგომარეობაშია რეანიმაციულ განყოფილებაში. დეტალები ამ წუთისათვის არ ვიცი, რა სჭირდებათ ჩვენგან, როგორი იქნება ჩვენი ჩართულობა...სწორედ,  აღნიშნულის გადასაწყვეტად მივდივართ ჰოსპიტალში“,- განუცხადა „ექსპრესნიუსს“  ზაალ მიქელაძემ.

შეგახსენებთ,  ავტოსაგზაო შემთხვევა თურქეთის ქალაქ რიზეში  მოხდა, რის შედეგადაც საქართველოს 1 მოქალაქე დაიღუპა, 5 კი დაშავდა.

დაშავებულები ქალაქის საუნივერსიტეტო კლინიკაში არიან გადაყვანილი.

ავტოსაგზაო შემთხვევის  მიზეზებს ადგილობრივი სამართალდამცველები უკვე სწავლობენ. არსებული ინფორმაციით, სამგზავრო მიკროავტობუსი საპირისპირო მიმართულებით მოძრავ ავტომობილს შეეჯახა, რის გამოც მიკროავტობუსს ცეცხლი გაუჩნდა. ადგილზე სახანძრო სამსახურის მაშველები მუშაობდნენ.

როგორც "ექსპრესნიუსს" საგარეო საქმეთა სამინისტროში განუცხადეს, გარდაცვლილი მოქალაქე საქართველოში უკვე გადმოასვენეს.

უწყების ინფორმაციით, დაშავებულები ტრაპზონში გენერალურმა კონსულმა ავთანდილ მიქაძემ უკვე მოინახულა და მათ სამედიცინო დახმარება  გაუწიეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი