დაღუპული და დაჭრილი სამხედროების შვილებმა „ექსპერიმენტორიუმი“ დაათვალიერეს

2017-04-08 14:17:57, 1987 ნახვა

საზოგადოება

2008 წლის აგვისტოს ომსა და საერთაშორისო მისიებში დაღუპული და დაშავებული სამხედრო მოსამსახურეების შვილები სახალისო მეცნიერებათა მუზეუმს - „ექსპერიმენტორიუმს" ესტუმრნენ.

თავდაცვის სამინისტროს ინფორმაციით, ბავშვებს ფიზიკის ინტერაქტიულ მუზეუმში ექსკურსია ჩაუტარდათ და აზოტის შოუს ნახვის საშუალებაც მიეცათ.

ექსკურსია პროექტ „სასწავლო კურსები სამხედრო მოსამსახურეების შვილებისთვის“ ფარგლებში მოეწყო. დაღუპული და დაშავებული სამხედროების შვილები საქართველოს ინოვაციებისა და ტექნოლოგიების სააგენტოს სამთვიან სასწავლო პროგრამაში არიან ჩართული, რომლის დასრულების შემდეგაც მათ შესაბამისი სერტიფიკატები გადაეცემათ.

პროექტის პარტნიორები არიან თავდაცვის სამინისტრო, სსიპ ნატოსა და ევროკავშირის შესახებ საინფორმაციო ცენტრი, ინოვაციებისა და ტექნოლოგიების სააგენტო და კომპანია „ტაქსიფაი“.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან