საქართველოს მომხმარებელთა ინტერესების საზოგადოებრივი დამცველის სამსახურის 2016 წლის ანგარიშის თანახმად, გასულ წელს 208 საჩივარი მიიღეს, აქედან ყველაზე მეტი საჩივარი კომპანია “სილქნეტის” მიმართ დაფიქსირდა.

“საჩივრების ყველაზე მეტი წილი, “სილქნეტზე” მოდიოდა – 42 საჩივარი, 19 საჩივარი შევიდა “ჯეოსელზე”. საჩივრები იყო ასევე “სტერეო +”-ის, “ახალი ქსელების”, შპს “მობიტელის” (ბილაინი), შპს “იმერტივის” წინააღმდეგაც”, – ნათქვამია ანგარიშში.

მათივე ინფორმაციით, კომპანია ,,სილქნეტის” მიმართ დაფიქსირებული საჩივრების რაოდენობა ორჯერ უფრო მეტია, ვიდრე სხვა კომპანიების მიმართ. ზოგადად, ,,სილქნეტის” მიმართ მუდმივად ისმის სხვადასხვა სახის კრიტიკა. ხშირია ინტერნეტის უხარისხოდ მიწოდების ფაქტები, ინტერნეტ ქსელის მონტაჟის დროს კლიენტების მიმართ არასათანადო დამოკიდებულება და შედეგად პრობლემური ქსელის დამონტაჟება.

საზოგადოებრივი დამცველის სამსახურში შესული 208 საჩივრიდან, 127 არის წერილობითი, ხოლო 81 სატელეფონო საჩივარი. საიდანაც 122 საჩივარი სრულად დაკმაყოფილდა, 62 ნაწილობრივ, ხოლო 24 საჩივარში დარღვევა არ დაფიქსირებულა.

მომხმარებელთა ინტერესების საზოგადოებრივი დამცველის სამსახურის ფუნქციონირების მიზანია ელექტრონული კომუნიკაციებისა და მაუწყებლობის სფეროში მომხმარებელთა უფლებებისა და კანონიერი ინტერესების დაცვა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა