2017-03-21 13:26:20, 1292 ნახვა
საზოგადოება
თსუ-ში დღეს კვლევის „კონფლიქტები სასკოლო სივრცეში“ პრეზენტაცია გაიმართება
დღეს, 17:00 საათზე, ივანე ჯავახიშვილის სახელობის თბილისის სახელმწიფო უნივერსიტეტში კვლევის ,,კონფლიქტები სასკოლო სივრცეში“ და არასამთავრობო ორგანიზაციის პროექტების პრეზენტაცია გაიმართება.
პრეზენტაციაზე განიხილება კვლევის შედეგები, მათი გამომწვევი მიზეზები და აგრეთვე, ორგანიზაციის მიერ განხორციელებული და მიმდინარე პროექტები.
პრეზენტაცია ხორციელდება ა/ ო ,,კონფლიქტების მართვისა და მშვიდობის მშენებლობის ახალგაზრდული ცენტრის“ მიერ, ივანე ჯავახიშვილის სახელობის თბილისის სახელმწიფო უნივერსიტეტის კონფლიქტის ანალიზისა და მართვის ინსტიტუტთან თანამშრომლობით (ხელმძღვანელი - სრული პროფესორი, გუგული მაღრაძე).
მისამართი:
თსუ, I კორპუსი, 1-ლი სართული, 101–ე აუდიტორია.
ჭავჭავაძის გამზირი N 1.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
