საქართველოს ეროვნულ ბოტანიკურ ბაღსა და „ნიკორა სუპერმარკეტს“ შორის ურთიერთთანამშრომლობის მემორანდუმი გაფორმდა.

მერიის ინფორმაციით, დოკუმენტს ხელი საქართველოს ეროვნული  ბოტანიკური ბაღის ხელმძღვანელმა თამაზ დარჩიძემ და „ნიკორა სუპერმარკეტის“ აღმასრულებელმა დირექტორმა დავით ურუშაძემ მოაწერეს.

მემორანდუმი ბოტანიკური ბაღის მცენარეთა კოლექციის შევსება-განახლების, მცენარეთა მრავალფეროვნების კვლევისა და შესწავლის, ბოტანიკური ბაღის შესაძლებლობების ზრდის და ზოგადად, საქმიანობის ხელშეწყობას ითვალისწინებს. მემორანდუმის ფარგლებში კომპანია ბოტანიკურ ბაღს მიზნობრივად დააფინანსებს 100 000 ლარის ოდენობით.

ღონისძიებას თბილისის მერი დავით ნარმანია დაესწრო. მისი განცხადებით, სოციალური პასუხისმგებლობის გრძნობის მქონე კერძო სექტორი, საჯარო სექტორთან ერთად, საზოგადოების კეთილდღეობის ასამაღლებელ ღონისძიებებში ერთვება.

„ბოტანიკურ ბაღთან ხელმოწერილი შეთანხმება, კლასიკური ნიმუშია იმისა, როგორი სოციალური პასუხისმგებლობის გრძნობის მქონე უნდა იყოს კომპანია, რომ ხელი შეუწყოს გარემოს დაცვას;  იმას, რომ ბოტანიკურ ბაღში მეტი უკეთესი პროექტი გაკეთდეს, მეტი ტურისტი და ვიზიტორი მოვიზიდოთ“,- განაცხადა დავით ნარმანიამ.

საქართველოს ეროვნული ბოტანიკური ბაღის ხელმძღვანელმა თამაზ დარჩიძემ იმ ღონისძიებებზე ისაუბრა, რაც შემოწირულობის ფარგლებში დაფინანსდება.

„თანხა, რომელიც შემოწირულობის სახით იქნება მობილიზებული ბოტანიკური ბაღის ანგარიშზე,  ბოტანიკური ბაღის მიერ ბიომრავალფეროვნების, განსაკუთრებით, მცენარეთა მრავალფეროვნების სამეცნიერო კვლევითი ღონისძიებების დასაფინანსებლად, აგრეთვე საგანმანათლებლო საქმიანობისა და რაც მთავარია ბოტანიკური ბაღის მცენარეთა კოლექციის შევსება-განახლების აქტივობებზე დაიხარჯება,“- განაცხადა თამაზ დარჩიძემ.

საქართველოში ეს ერთ-ერთი პირველი პრეცედენტია, როდესაც მრავალწლიანი გამოცდილების მქონე კერძო კომპანია უშუალოდ ერთვება ბიოლოგიური მრავალფეროვნების კვლევის საქმეში, კონკრეტული გარემოსდაცვითი პროექტების ფინანსური მხარდაჭერის გზით.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა