პერსონალური მონაცემების დაცვა თანამედროვე ეპოქაში, ბალანსი პირადი ცხოვრების ხელშეუხებლობასა და გამოხატვის თავისუფლებას შორის, მონაცემების უსაფრთხოება - 28 იანვარს პერსონალურ მონაცემთა დაცვის საერთაშორისო დღესთან დაკავშირებით იურიდიული და ჟურნალისტიკის ფაკულტეტის სტუდენტებისთვის ზამთრის სკოლა გაიხსნება.  სკოლას ყვარლის იუსტიციის სასწავლო ცენტრში საქართველოს პერსონალურ მონაცემთა დაცვის ინსპექტორის აპარატის, ევროკავშირისა და გაეროს განვითარების პროგრამის (UNDP) და გაეროს ადამიანის უფლებათა უმაღლესი კომისრის ოფისის, (OHCHR) მიგრაციის პოლიტიკის განვითარების საერთაშორისო ცენტრისა (ICMPD) და იუსტიციის სასწავლო ცენტრის  წარმომადგენლები გახსნიან. 

ზამთრის სკოლის მიზანია სტუდენტების ინფორმირება პერსონალური მონაცემების დაცვის სფეროში არსებული გამოწვევების, ქართული და საერთაშორისო კანონმდებლობის და მათივე უფლებების შესახებ. 1 კვირის განმავლობაში მათ ლექციებს ქართველი და საერთაშორისო ექსპერტები წაუკითხავენ. სასწავლო პროგრამა მოიცავს ისეთ საკითხებს, როგორიცაა: პერსონალურ მონაცემთა დაცვის მნიშვნელობა; პერსონალური მონაცემების დაცვა და დანაშაულის პრევენცია,  ადამიანის უფლებათა ევროპული სასამართლოს პრაქტიკა და სხვა. 

ზამთრის სკოლა ტარდება პერსონალურ მონაცემთა დაცვის ინსპექტორის აპარატის მიერ, გაეროსა და ევროკავშირის ერთობლივი პროექტის „ადამიანის უფლებები ყველასათვის“ ფარგლებში, მიგრაციის პოლიტიკის განვითარების საერთაშორისო ცენტრთან და საქართველოს იუსტიციის სასწავლო ცენტრთან თანამშრომლობით. 

პერსონალურ მონაცემთა დაცვის საერთაშორისო დღე ევროპის საბჭოს გადაწყვეტილებით, 2006 წლიდან აღინიშნება. მისი მიზანი პერსონალური მონაცემების დაცვის მნიშვნელობასა და მოქალაქეთა უფლებების შესახებ საზოგადოების ცნობიერების ამაღლებაა. პერსონალურ მონაცემთა დაცვის ინსპექტორის აპარატი საქართველოში ამ დღეს უკვე მეოთხე წელია აღნიშნავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია