უკრაინაში საქართველოს საგანგებო და სრულუფლებიანი ელჩი მიხეილ უკლება, საქართველოს კონსული, გია ცერცვაძე, მისი მეუღლე და ადვოკატი უკრაინის სახალხო დამცველს ვალერია ლუტკოვსკას შეხვდნენ.

ამის შესახებ „ექსპრესნიუსს“ საგარეო საქმეთა სამინისტროდან აცნობეს.

უწყების ინფორმაციით, შეხვედრისას სახალხო დამცველმა გია ცერცვაძეს გათავისუფლება მიულოცა და განაცხადა, რომ მონიტორინგს ახორციელებდა აღნიშნულ საქმეზე.

როგორც ვალერია ლუტკოვსკამ აღნიშნა ამ საკითხთან დაკავშირებით კომუნიკაცია მის ქართველ კოლეგასთან, უჩა ნანუაშვილთან ჰქონდა.

შეხვედრაზე ლუტკოვსკამ განაცხადა, რომ უკრაინის სახალხო დამცველის აპარატი კვლავაც განაგრძობს მონიტორინგს ქართველი სამხედროს საქმეზე.

ქართულმა მხარემ შეხვედრაზე მადლობა გადაუხადა უკრაინის სახალხო დამცველს მხარდაჭერისთვის და აღნიშნულ საქმეზე მომავალშიც აქტიური თანამშრომლობისთვის მზადყოფნა გამოთქვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკომისიის სპიკერი: EU-ს გაფართოების ფორუმზე საქართველო მიწვეული არ არის

ინაშვილი კობახიძეს-რატომ ხურავთ სასამართლოს რა არის აქ დასამალი თუ იმას შიშობთ, რომ ღარიბაშვილი თავის უდანაშაულობას დაამტკიცებს და ამას ხალხი გაიგებს?

მიკრობანკებს სესხის უცხოურ ვალუტაში გაცემაც შეეძლებათ - კანონპროექტი

მხოლოდ თიბისის ბიზნეს ინტერნეტ და მობაილბანკში, მოითხოვეთ თქვენზე მორგებული ვალუტის კურსი