არ ვუფრთილდებით გარემოს - არც შვილებზე ზრუნავს ქართველი და არც შვილიშვილებზე - არ გინდა მკითხველო, მითი იმაზე, რომ ვაჟას სიტყვებს „ტყე შეუნახე შვილებსა, მამა ხარ შენი ვალია“ - ზედმიწევნით ვასრულებთ. საბურთალოზე, თბილისის ცენტრში კიდევ ერთი ვანდალური და ამაზრზენი ფაქტი მოხდა, მავანმა თუ ეშმაკმა საღ-სალამათი ნაძვები დაჭრა.

საქმე შემდეგში მდგომარეობდა:  ხეების მოჭრა დაიწყეს 17 აგვისტოს ყაზბეგის ქუჩაზე, რომელსაც დილიდან გარემოსდამცველების პროტესტი მოჰყვა – პარტიზანი მებაღეები და თბილისის საკრებულოს წევრი ალეკო ელისაშვილი. ყოფილი სისხლის გადასხმის ინსტიტუტის ტერიტორიაზე იგეგმება ორი მრავალსართულიანი კორპუსის მშენებლობა, რომლის გამოც, შესული განაცხადის საფუძველზე, მერიის გამწვანების სამსახურმა 45 ხის გაჩეხვაზე გასცა ნებართვა. მერიის გამწვანების სამსახურის უფროსის ნინო სულხანიშვილის ცნობით, მხოლოდ დაავადებული ხეების გაჩეხვაზე გასცეს ნებართვა.
ის რომ ხეები არის სრულიად საღი და ძვირფასი, ამაზე სულელიც დაგთანხმდება და დიდი ექსპერტობა არ უნდა ამ ყველაფრის შეფასებას. მაგრამ მერიის ჩინოსნები ისე გულმოდგინედ იტყუებიან, რომ არც მარჯვენა და არც მარცხენა თვალი არ უთამაშებთ. 
მოკლედ, მოჰყვა ამ ვანდალლიზმს პროტესტი, როგორ არ მოყვა, უმადური უნდა იყო კაცი, არ დაინახო „შეშფოთებულთა“ დიდვრანი სტატუსები სოციალურ ქსელში და მოთქმა იმაზე „რას გვიშვება ეს მთავრობა“ - მთავრობა იქამდე გიზამთ ბატონებო, სანამ „ფეიქბუქს“ არ გაცდებით და რეალურ პროტესტს არ გამოთქვამთ, იმაზე რაც თბილისს ქალაქს ხდება.
რეალური პროტესტი კი „პარტიზანმა მებაღემ“ ნატა ფერაძემ გამოთქვა, რომელიც აგერ მეორე დღეა თბილისის მერიასთან შიმშილობს. ფერაძე მოითხოვს, ყველა იმ პირის დასჯას, ვინც 17 აგვისტოს ყაზბეგის 24 ნომერში ხეების გაჩეხვაში მონაწილეობდა: “საღი ხე თუ მოიჭრა ეს იქნება სისხლის სამართლის საქმე და საღი ხე ნამდვილად მოიჭრა, ამიტომ უნდა აღიძრას სისხლის სამართლის საქმე, თუ ვინ ჩაიდინა ეს დანაშაული.”
  ,,რა შეუბრალებელია ადამიანი?! რასაც კი დაინახავს, უნდა რომ თავის სასარგებლოდ მოიხმაროს.ალბათ ვერ აფასებს ჩვენს სილამაზეს! ჩვენ წინ კაცმა გამოიარა, ცალს მხარზედ ცული ედო, მეორეზედთოფი ეკიდა. მიადგა ერთს მშვენიერს ტოტგადართხმულს წიფელს, დაუშინა ცული და წააქცია.საბრალო, როდესაც წაიქცა, დაიკვნესა. ჩვენს იქით გუგულისკაბა ამოსულიყო და ჯერ ხმელს, ჩამოსულსფოთოლს არ ამოსცილებოდა. როდესაც ხე წაიქცა, გადიყრეინა ზევიდამ ფოთლები და წითლადგამობჭყვინდა, ცრემლები დასხმოდა ჩაღრმავებულს გულში.” - ვაჟა-ფშაველა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა