საგარეო საქმეთა სამინისტროში გაიმართა საქართველოს საგარეო საქმეთა მინისტრის პირველი მოადგილის დავით ზალკალიანის შეხვედრა აშშ-ს საერთაშორისო განვითარების სააგენტოს (USAID) მისიის ხელმძღვანელთან დაგლას ბოლთან.

შეხვედრისას მხარეებმა განიხილეს USAID-ის მიერ საქართველოში განხორციელებული და მიმდინარე პროექტების მნიშვნელობა, როგორც ქვეყნის ეკონომიკური და სოციალური განვითარების, ისე ევროპული და ევროატლანტიკური ინტეგრაციის თვალსაზრისით. ყურადღება გამახვილდა საქართველოს რეგიონებში აქტიური მუშაობის მნიშვნელობაზე, რათა უფრო თვალსაჩინო გახდეს საქართველოს მთავრობისა და საერთაშორისო დონორების ერთობლივი ძალისხმევით განხორციელებული ინიციატივები და მიღებული სარგებელი.
 
მხარეებმა ასევე განიხილეს  ღია მმართველობის პარტნიორობის (OGP) ფარგლებში საქართველოს მთავრობის წარმატებული მუშაობა და ის ინიციატივები, რომლებიც საერთაშორისო მასშტაბით ქვეყნის პოპულარიზაციის კარგ საშუალებას წარმოადგენს.
მხარეები შეთანხმდნენ აქტიური თანამშრომლობის გაგრძელებაზე და საქართველოს შესაბამის უწყებებთან ერთად საქართველოს მთავრობის ევროპული და ევროატლანტიკური ინტეგრაციის კუთხით კონკრეტული ქმედებების განხორციელებაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო