ჩინურმა კომპანიამ Xintong Tiandi Technology, რომელიც ჩანთებსა და ტყავის სხვადასხვა პროდუქციას iPhone-ის სასაქონლო ნიშნით აწარმოებს, სასამართლო დავა კომპანია Apple-ს მოუგო, - ამის შესახებ Legal Daily იუწყება.

მედიის ინფორმაციით, პეკინის მუნიციპალური სახალხო სასამართლოს გადაწყვეტილებით, კომპანია Xintong Tiandi Technology გააგრძელებს ტყავის ნაწარმის გამოშვებას სასაქონლო ნიშნით - iPhone.

სმარტფონის მწარმოებელი ჩინური კომპანიისთვის iPhone-ის სასაქონლო ნიშნის გამოყენების აკრძალვას ითხოვდა.

უზენაესი სასამართლოს გადაწყვეტილებაში ნათქვამია, რომ მოსარჩელემ ვერ დაამტკიცა, რომ 2007 წელს, როდესაც Xintong Tiandi-მ სასაქონლო ნიშანზე განაცხადა შეიტანა, iPhone ცნობილი ბრენდი იყო ჩინეთში.

ცნობისთვის, ჩინეთში Apple-ის სმარტფონები 2009 წლიდან იყიდება.

Bloomberg-ის ინფორმაციით, კი აღნიშნული გადაწყვეტილება Apple-ს პრობლემებს არ შეუქმნის. აღსანიშნავია, რომ Apple-ი მსგავს სიტუაციაში უკვე იყო; 2012 წელს Apple-მა ჩინურ კომპანია Proview International Holdings Ltd 60 მილიონი დოლარი გადაუხადა, იმისათვის, რომ ჩინურ კომპანიას iPad სასაქონლო ნიშნით მონიტორები ეწარმოებინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო