|
2026-10-01 15:02:51, 3278 ნახვა
სამართალი
სუს-ის უფროსის ყოფილი მოადგილე, ლევან ახობაძე 500 000-ლარიანი გირაოს სანაცვლოდ გაათავისუფლეს
სახელმწიფო უსაფრთხოების სამსახურის უფროსის, გრიგოლ ლილუაშვილის ყოფილ მოადგილეს ლევან ახობაძეს 500 000-ლარიანი გირაო შეეფარდა და ის სასამართლო დარბაზიდან გაათავისუფლეს. გადაწყვეტილება მოსამართლე ნინო თარაშვილმა მიიღო. ლევან ახობაძისთვის აღკვეთის ღონისძიების სახით შეფარდებული პატიმრობის გირაოთი შეცვლის შუამდგომლობა დაცვის მხარემ დააყენა, რასაც პროკურატურაც დაეთანხმა. ახობაძის ადვოკატის, დავით სიმონიას განცხადებით, ბრალდებული დანაშაულს არ აღიარებს. მისი გირაოთი გათავისუფლების საფუძველი მათ მიერ ახალი ინფორმაციის მიწოდება გახდა, თუმცა ადვოკატი ამბობს, რომ ახობაძეს არავის წინააღმდეგ ჩვენება არ მიუცია. "ეს არანაირად არ უკავშირდება მისი მხრიდან რაიმე სახის თანამშრომლობას სხვა მაღალჩინოსნის მიმართ. ეს კონკრეტული ინფორმაცია, რომელიც ჩვენ მივაწოდეთ სასამართლოს ეხება უშუალოდ ამ კონკრეტულ სისხლის სამართლის საქმეზე არსებულ ფაქტობრივ გარემოებებს და ახალ ინფორმაციას." - განაცხადა დავით სიმონიამ, ტვ პირველთან საუბრისას. კონკრეტულად რა იგულისხმება ახალ ინფორმაციაში, ადვოკატი არ აკონკრეტებს. ახობაძე ანტიკორუფციულმა სააგენტომ 22 მაისს განსაკუთრებით დიდი ოდენობით ქრთამის აღების ბრალდებით დააკავა. მას 11-დან 15 წლამდე პატიმრობა ემუქრება. ყოფილი მაღალჩინოსნის ადვოკატმა, რაჟდენ კუპრაშვილმა განაცხადა, რომ არ არსებობს მტკიცებულებები, რომლებიც დაადასტურებენ მის ბრალეულობას. მან აგრეთვე აღნიშნა, რომ ბრალდებულის სახლიდან ამოღებული თანხა არ არის დიდი ოდენობის, არამედ 2 თვის ხელფასის თანხაა.
სულხან თამაზაშვილი- ნანგრევებიდან ამოვიყვანეთ ექვსი გარდაცვლილი, სამაშველო ღონისძიებები ფაქტობრივად დასრულებულია
საქართველოს კათოლიკოს-პატრიარქმა მოსკოვში საქართველოს მართლმადიდებელი ეკლესიის დელეგაცია გაგზავნა
ტრამპის წარმომადგენელმა განაცხადა, რომ რუსეთი დათანხმდა უკრაინისთვის უსაფრთხოების გარანტიებს ნატოს კოლექტიური თავდაცვის პუნქტის შესაბამისად
მიხეილ სარჯველაძემ ინგოროყვას კლინიკაში ფონიჭალაში მომხდარი აფეთქების შედეგად დაშავებულები მოინახულა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ელენე გვიმრაძე, ექსპრესნიუსის რეპორტიორი 2018 წლიდან



