ბალტიის ქვეყნების თავდაცვის მინისტრებმა ევროკომისიის პრეზიდენტ ურსულა ფონ დერ ლაიენს საიდუმლო წერილი მისწერეს, რომელშიც დრონების წინააღმდეგ საბრძოლველად ნახევარი მილიარდი ევროს გამოყოფას ითხოვდნენ, იტყობინება ფინური გაზეთი „ილტალეჰტი“, ინფორმირებულ წყაროებზე დაყრდნობით.

„ქვეყნებმა წერილი ევროკომისიას ორშაბათს გაუგზავნეს. წერილს ხელი მოაწერეს ესტონეთის თავდაცვის მინისტრმა მარტინ ჰერემმა, ლატვიის თავდაცვის მინისტრმა რაივის მელნისმა და ლიეტუვის თავდაცვის მინისტრმა რობერტას კაუნასმა“, - ნათქვამია სტატიაში.

გამოცემის ცნობით, წერილი შეიცავს ბალტიის ქვეყნებისთვის დრონების საწინააღმდეგო სისტემების გასაძლიერებლად 500 მილიონი ევროს დაუყოვნებლივ გამოყოფის მოთხოვნას.

„ქვეყნები იმედოვნებენ, რომ ევროკავშირი რეგიონში დრონების წინააღმდეგ თავდაცვის დამატებითი დაფინანსების გამოყოფას 2026 წლისთვის შეძლებს“, - იტყობინება გაზეთი.

გამოცემა აღნიშნავს, რომ წერილი ღია წყაროებში არ გამოქვეყნებულა და მისი საიდუმლოების მიზეზი არ გახმაურებულა.

წყაროებმა დაადასტურეს, რომ ფონ დერ ლაიენმა წერილი მიიღო, მაგრამ არ დაუკონკრეტებიათ, უპასუხა თუ არა მან.

უკრაინული დრონები ბოლო დროს ბალტიის ქვეყნების საჰაერო სივრცეში არაერთხელ გამოჩნდნენ. ესტონეთმა, ლატვიამ და ლიეტუვამ ადრე განაცხადეს, რომ მათ უარი თქვეს უკრაინაზე მათი ტერიტორიებისა და საჰაერო სივრცის გამოყენებაზე რუსულ სამიზნეებზე დრონებით თავდასხმებისთვის.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა