02:09 - 20 Nov, 2026
ჩვენ შესახებ რეკლამა/ხელმოწერა
2026-09-15 18:21:16, 3030 ნახვა

სამართალი
მოზარდი, რომელსაც მკვლელობისთვის წარდგენილი ბრალი შეუმსუბუქდა, პატიმრობიდან გაათავისუფლეს

პატიმრობიდან გაათავისუფლეს არასრულწლოვანი, რომელსაც განზრახ მკვლელობისთვის წარდგენილი ბრალი პროკურატურამ შეუმსუბუქა. 

ბრალდების მხარემ არასრულწლოვანს ახალი ბრალი საქართველოს სისხლის სამართლის კოდექსის 113-ე მუხლით (მკვლელობა ჩადენილი აუცილებელი მოგერიების ფარგლების გადაცილებით) წარუდგინა და დაკავებულისთვის აღკვეთის ღონისძიების სახით შეფარდებული პატიმრობის უფრო მსუბუქი აღკვეთის ღონისძიებით შეცვლა მოითხოვა. 

მოსამართლემ არ დააკმაყოფილა გირაოს გამოყენების შუამდგომლობა. ბრალდებული არასრულწლოვანი აღკვეთის გარეშე დატოვა და ის დარბაზიდან გაათავისუფლა. 

საქმე ეხება 2026 წლის 5 ივნისს, ქალაქ რუსთავში,  ერთ-ერთ საცხოვრებელ ბინაში ჩადენილ მკვლელობას, რა დროსაც არასრულწლოვანმა ბრალდებულმა უცხო ქვეყნის მოქალაქე მოკლა.

სამართალდამცავებმა  არასრულწლოვანი  იმავე დღეს დააკავეს და  მას ბრალდება  საქართველოს სისხლის სამართლის კოდექსის 108-ე მუხლი (განზრახ მკვლელობა) წარედგინა,რაც სასჯელის სახედ და ზომად  10-დან 15 წლამდე თავისუფლების აღკვეთას ითვალისწინებს.





ავტორი: ელენე გვიმრაძე, ექსპრესნიუსის რეპორტიორი 2018 წლიდან


სოციალური ქსელები
სულხან თამაზაშვილი- ნანგრევებიდან ამოვიყვანეთ ექვსი გარდაცვლილი, სამაშველო ღონისძიებები ფაქტობრივად დასრულებულია
საქართველოს კათოლიკოს-პატრიარქმა მოსკოვში საქართველოს მართლმადიდებელი ეკლესიის დელეგაცია გაგზავნა
ტრამპის წარმომადგენელმა განაცხადა, რომ რუსეთი დათანხმდა უკრაინისთვის უსაფრთხოების გარანტიებს ნატოს კოლექტიური თავდაცვის პუნქტის შესაბამისად
მიხეილ სარჯველაძემ ინგოროყვას კლინიკაში ფონიჭალაში მომხდარი აფეთქების შედეგად დაშავებულები მოინახულა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics