|
2026-09-01 20:01:26, 1968 ნახვა
სამართალი
მუქარისა და იარაღის უკანონო ტარების მუხლებით, შსს თამაზ ელიზბარაშვილის მანქანას ჩხრეკს
სამართალდამცველებმა ბიზნესმენ თამაზ ელიზბარაშვილის მანქანა გაჩხრიკეს. თამაზ ელიზბარაშვილის თავშესაფრის Facebook გვერდზე გამოქვეყნებულ Live ვიდეოში ისმის, რომ გამომძიებელი ელიზბარაშვილს ეუბნება, რომ უნდა ჩაატარონ მისი პირადი ჩხრეკა, "სისხლის სამართლის საქმეზე მიმდინარე გამოძიების ფარგლებში". "მიმდინარეობს გამოძიება შესაძლო მუქარის ფაქტზე" - ამბობს გამომძიებელი და მოგვიანებით ამატებს "30-ში მომხდართან დაკავშირებით, არიან განმცხადებლები". "30-ში რესტორან სხვაში ვიყავით მე და ჩემი მეუღლე, ტუალეტში ხელის დასაბანად ჩავედით, 8 კაცი მოვიდა, გადაკეტა კორიდორი და მეუბნებიან, ფეხს არ მოვიცვლით აქედან, სანამ ბოდიშს არ მოგვიხდიო, რატომ უნდა მოგიხადოთ ბოდიში, ვინ ხართ, არ გიცნობთ-მეთქი, ჩვენ TV იმედის თანამშრომლები ვართო, შენი პოზიცია არ მოგვწონს, უკრაინას მხარს რომ უჭერ და რუსებს, რომ აგინებო, არ "გვევასებიო" და ბოდიში უნდა მოგვიხადოო. ვუთხარი, ცოლს დავტოვებ სახლში ნახევარ საათში ჩამოვალ და დაგელაპარაკებით მეთქი, მეუღლე დავტოვე არც დამჭირდა ნახევარი საათი, 20 წუთში ჩამოვედი და ესენი გაიქცნენ, არცერთი არ დამხვდა და ახლა ესენი მიჩივიან მე?!" - ეუბნება ელიზბარაშვილი გამომძიებლებს. 31 აგვისტოს ელიზბარაშვილმა სოციალურ ქსელში პოსტიც გამოაქვეყნა: "ტვ იმედის თანამშრომლებო, წუხელ ლისზე, რესტორან "სხვა"-ში ჩემთან ძალიან შეგეშალათ. დღის ბოლომდე გაძლევთ დროს ბოდიშის მოსახდელად" - წერდა ელიზბარაშვილი. შინაგან საქმეთა სამინისტროს ცნობით, ელიზბარაშვილის მანქანაში საგამოძიებო მოქმედებები სისხლის სამართლის კოდექსის 151-ე მუქარისა და 236-ე ცეცხლსასროლი იარაღის უკანონო შეძენა-შენახვა-ტარების მუხლებით მიმდინარე გამოძიების ფარგლებში ტარდება.
სულხან თამაზაშვილი- ნანგრევებიდან ამოვიყვანეთ ექვსი გარდაცვლილი, სამაშველო ღონისძიებები ფაქტობრივად დასრულებულია
საქართველოს კათოლიკოს-პატრიარქმა მოსკოვში საქართველოს მართლმადიდებელი ეკლესიის დელეგაცია გაგზავნა
ტრამპის წარმომადგენელმა განაცხადა, რომ რუსეთი დათანხმდა უკრაინისთვის უსაფრთხოების გარანტიებს ნატოს კოლექტიური თავდაცვის პუნქტის შესაბამისად
მიხეილ სარჯველაძემ ინგოროყვას კლინიკაში ფონიჭალაში მომხდარი აფეთქების შედეგად დაშავებულები მოინახულა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: მარიამ იმერლიშვილი, ექსპრესნიუსის რეპორტიორი 2020 წლიდან



