|
2026-08-23 15:27:53, 2513 ნახვა
სამართალი
ბათუმში 21 წლის ტრანსგენდერი კაცი, ჩეჩნეთიდან/რუსეთიდან, გარდაცვლილი იპოვეს
ბათუმში 21 წლის ტრანსგენდერი კაცი, ჩეჩნეთიდან/რუსეთიდან, გარდაცვლილი იპოვეს. ოჯახი და ადვოკატი ეჭვობენ, რომ საქმე შესაძლოა მკვლელობას ეხებოდეს. დიმიტრი მენიაევის ცხედარი 15 აგვისტოს, ბათუმში, საკუთარ ბინაში იპოვეს. ოჯახი აცხადებს, რომ ბინაში არსებობდა საეჭვო კვალი, რომელიც შესაძლოა მიუთითებდეს, რომ გარდაცვალების დროს იქ სხვა პირიც იმყოფებოდა. “დაკავებული არავინ არის, ფაქტზე მიმდინარეობს გამოძიება. ოჯახს პრეტენზია აქვს, მისი გარდაცვალება არ უკავშირდება თვითმკვლელობას, ოჯახი ვარაუდობს, რომ შესაძლოა მის გარდაცვალებასთან სხვა პირები იყვნენ კავშირში. ის ლგბტ თემის წარმომადგენელი იყო, ეს ადამიანი ისეთ გარემოში გარდაიცვალა, არავის დაუნახია, არ ავადმყოფობდა, პრობლემები არ ჰქონია. 21 წლის მამაკაცის გარდაცვალება ძალიან ბევრ კითხვებს ბადებს. თვითმკვლელობამდე მიყვანის მუხლით არის დაწყებული გამოძიება, ოჯახი დაზარალებულად ცნობას ითხოვს, მაგრამ უარყოფითი პასუხი მივიღეთ ჯერჯერობით, რაც მათ სამართლებრივ შესაძლებლობას ართმევს, რომ გაეცნონ საქმის მასალებს ახალგაზრდა მარტო ცხოვრობდა, რუსეთის მოქალაქეა, ებრაული წარმოშობის. 15 აგვისტოს გადაასვენეს ექსპერტიზაზე, საქართველოში დაკრძალავენ. 3 აგვისტოს ბოლოს "ტელეგრამზე" იყო კონტაქტზე”, - - აცხადებს ადვოკატი ზვიად მარკოიძე. საქმეს ამჟამად საქართველოს სისხლის სამართლის კოდექსის 115-ე მუხლით — თვითმკვლელობამდე მიყვანის კვალიფიკაციით — იძიებენ. ოჯახი და ადვოკატი ითხოვენ სრულ, ობიექტურ და საფუძვლიან გამოძიებას, მათ შორის სათვალთვალო კამერების ჩანაწერების დაუყოვნებლივ ამოღებას და ყველა შესაძლო მტკიცებულების შესწავლას.
სულხან თამაზაშვილი- ნანგრევებიდან ამოვიყვანეთ ექვსი გარდაცვლილი, სამაშველო ღონისძიებები ფაქტობრივად დასრულებულია
საქართველოს კათოლიკოს-პატრიარქმა მოსკოვში საქართველოს მართლმადიდებელი ეკლესიის დელეგაცია გაგზავნა
ტრამპის წარმომადგენელმა განაცხადა, რომ რუსეთი დათანხმდა უკრაინისთვის უსაფრთხოების გარანტიებს ნატოს კოლექტიური თავდაცვის პუნქტის შესაბამისად
მიხეილ სარჯველაძემ ინგოროყვას კლინიკაში ფონიჭალაში მომხდარი აფეთქების შედეგად დაშავებულები მოინახულა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: მარიამ იმერლიშვილი, ექსპრესნიუსის რეპორტიორი 2020 წლიდან



