ევროპარლამენტი აპირებს FIFA-ს პრეზიდენტი ჯანი ინფანტინო მოსმენებზე დაიბაროს მის საკამათო გეგმასთან დაკავშირებით, რომელიც შეჯიბრებებში კერძო ინვესტიციების დაშვებას ეხება, რამაც საფეხბურთო სამყაროში მწვავე რეაქცია გამოიწვია და ევროპული საფეხბურთო ასოციაციებს აიძულა, შემდეგი მსოფლიო ჩემპიონატის ბოიკოტით დაემუქრონ.

Euronews-ის ცნობით, ინფანტინოს მოეთხოვება პირდაპირ უპასუხოს კანონმდებლების კითხვებს, „გამჭვირვალობისა და დემოკრატიული ანგარიშვალდებულების სულისკვეთებით, რომელსაც თავად FIFA-მ საჯაროდ დაუჭირა მხარი“.

გეგმა ითვალისწინებს FIFA-ს შეჯიბრებების ორგანიზებისთვის ახალი კომპანიის შექმნას და აქციების 20%-მდე გაყიდვას გარე ინვესტორებისთვის, მათ შორის ჯოშუა კუშნერისთვის, რომლის ძმა ჯარედი აშშ-ს პრეზიდენტის დონალდ ტრამპის სიძეა.

FIFA ამტკიცებს, რომ ყველა ეროვნულ ასოციაციას უნდა შეეძლოს გეგმის განხილვა „ღია და დემოკრატიული“ კონსულტაციების გზით და ამჟამად ეწინააღმდეგება ევროპის საფეხბურთო ასოციაციების კავშირის (UEFA) და ჩრდილოეთ, ცენტრალური ამერიკის და კარიბის ზღვის აუზის საფეხბურთო ასოციაციების კონფედერაციის (CONCACAF) მოწოდებებს პროექტის შეჩერების შესახებ.

ევროპარლამენტის პოლიტიკური ჯგუფები შეშფოთებულნი არიან FIFA-ს პროექტით. ისინი ინფანტინოს FIFA-ს არასწორ მართვაში ადანაშაულებენ.

ევროპარლამენტარები შეშფოთებულნი არიან ამ გეგმასთან დაკავშირებით კონსულტაციების არარსებობით, ასევე იმ ფაქტით, რომ ის 2027 წლის ფიფას საპრეზიდენტო არჩევნებამდე გამოცხადდა. ინფანტინომ უკვე გამოაცხადა ხელახალი არჩევნებში მონაწილეობის განზრახვა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

აშშ-მ ირანის წინააღმდეგ სანქციები გააფართოვა და მსხვილი ავტომწარმოებლები და რკინიგზის კომპანიები მოიცვა

ნატოს გენერალური მდივანი: ევროპა დღეს მშვიდობაში არ არის

„პუტინის გზა“: მოსკოვი რუსეთიდან საქართველოს გავლით სომხეთამდე რკინიგზის მარშრუტის პოპულარიზაციას იწყებს

„თბილისობის“ დღესასწაულთან დაკავშირებით საავტომობილო გადაადგილება რამდენიმე ქუჩაზე დროებით იზღუდება