|
2026-07-28 12:37:36, 1654 ნახვა
სამართალი
საქართველოს პროკურატურამ 21.5 მილიონი ლარის ოდენობის ფულის გათეთრების სქემა გამოავლინა
საქართველოს პროკურატურა ტრანსნაციონალური დანაშაულის გამოვლენის შესახებ იუწყება. განსაკუთრებით დიდი მასშტაბის ფულის გათეთრებისთვის ოთხი უცხო ქვეყნის მოქალაქისა და ხუთი იურიდიული პირის წინააღმდეგ სისხლის სამართლის საქმე აღიძრა. პროკურატურის პრესკონფერენციაზე განაცხადეს, რომ თანხების გასათეთრებლად, ბრალდებულებმა, ფაქტობრივი საქმიანობის წარმოების განზრახვის გარეშე, საქართველოში კომპანიები დაარეგისტრირეს და ყალბი დოკუმენტებისა და ფიქტიური გადახდის მიზნების გამოყენებით, საზღვარგარეთიდან სხვადასხვა ვალუტაში უკანონო და დაუსაბუთებელი თანხები, სულ 21,5 მილიონი ლარის ოდენობით, სხვადასხვა ვალუტაში გადარიცხეს. თანხების გასათეთრებლად, ზემოაღნიშნულმა პირებმა, ასევე ფიქტიური გადახდის მიზნებისა და ყალბი დოკუმენტების გამოყენებით, სხვადასხვა საბანკო ანგარიშებზე გადარიცხეს საზღვარგარეთ საქართველოს საბანკო ანგარიშებზე დაგროვილი თანხების მცირე ნაწილი. უკანონო აქტივების ძირითადი ნაწილი მიმდინარე გამოძიების ფარგლებში ჩამოართვეს. „ბრალდებულების წინააღმდეგ აღიძრა სისხლის სამართლის საქმე განსაკუთრებით დიდი მასშტაბით ფულის გათეთრებისთვის. ეს დანაშაული ფიზიკური პირებისთვის 9-დან 12 წლამდე თავისუფლების აღკვეთას, ხოლო იურიდიული პირებისთვის - ლიკვიდაციას, საქმიანობის უფლების ჩამორთმევას და ჯარიმას ითვალისწინებს. პროკურატურა კანონით დადგენილ ვადაში სასამართლოს მიმართავს ბრალდებულებისთვის წინასწარი პატიმრობის შეფარდების შუამდგომლობით. შუამდგომლობის დაკმაყოფილების შემთხვევაში, მათზე ძებნილთა სიაში შევა. გამოძიების ფარგლებში, პროკურატურა ჩაატარებს შესაბამის სამართლებრივ პროცედურებს ჩამორთმეული აქტივების - დაახლოებით 14 მილიონი ლარის ეკვივალენტის უცხოური ვალუტის, ასევე 1 მილიონ ლარზე მეტი ღირებულების უძრავი ქონების - სახელმწიფოს სასარგებლოდ დასაბრუნებლად“, - განაცხადა საქართველოს პროკურატურამ.
სულხან თამაზაშვილი- ნანგრევებიდან ამოვიყვანეთ ექვსი გარდაცვლილი, სამაშველო ღონისძიებები ფაქტობრივად დასრულებულია
საქართველოს კათოლიკოს-პატრიარქმა მოსკოვში საქართველოს მართლმადიდებელი ეკლესიის დელეგაცია გაგზავნა
ტრამპის წარმომადგენელმა განაცხადა, რომ რუსეთი დათანხმდა უკრაინისთვის უსაფრთხოების გარანტიებს ნატოს კოლექტიური თავდაცვის პუნქტის შესაბამისად
მიხეილ სარჯველაძემ ინგოროყვას კლინიკაში ფონიჭალაში მომხდარი აფეთქების შედეგად დაშავებულები მოინახულა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: გიორგი ბაზაევი, ექსპრესნიუსის რეპორტიორი 2010 წლიდან



