|
2026-03-31 14:17:37, 4683 ნახვა
სამართალი
ევროსასამართლომ ბავშვზე სექსუალური ძალადობის საქმის არაეფექტიანი გამოძიების გამო საქართველოს 10,000 ევროს გადახდა დააკისრა
სტრასურგის ადამიანის უფლებათა ევროპულმა სასამართლომ ბავშვზე სექსუალური ძალადობის საქმზე - „X [კონფიდენციალური პირი] საქართველოს წინააღმდეგ“ არაეფექტიანი გამოძიების გამო, საქართველოს 10,000 ევროს გადახდა დააკისრა. მამინაცვლის მხრიდან არასრულწლოვანზე სექსუალურ ძალადობაზე საფარმა სტრასბურგში საქმე მოიგო. "ეს არის პირველი წარმატებული საქმე სექსუალური ძალადობის დანაშაულების გამოძიებასთან დაკავშირებით, რომელშიც საქართველოში მიმდინარე გამოძიება ევროპულმა სასამართლომ არაეფექტურად შეაფასა და სახელმწიფოს მიერ კონვენციის მე-3 და მე-8 მუხლების დარღვევა დაადგინა. 2021 წელს არასრულწლოვანმა პოლიციაში განაცხადა მამინაცვლის მხრიდან ფიზიკური და სექსუალური ძალადობის შესახებ. მიუხედავად იმისა, რომ არსებობდა ჩვენებები, ფსიქოლოგიური შეფასება და სხვა მტკიცებულებები, მას საქართველოში დაზარალებულის სტატუსიც კი არ მიანიჭეს. გამოძიების უმოქმედობის გამო, საფარმა ადამიანის უფლებათა ევროპულ სასამართლოს მიმართა, რომელმაც დაადგინა, რომ გამოძიება არაეფექტიანი და თავად ბავშვისთვის მატრავმირებელი იყო. ადამიანის უფლებათა ევროპულმა სასამართლომ განსაკუთრებით გაუსვა ხაზი: წლების განმავლობაში გამოძიების უსაფუძვლო გაჭიანურებას; ბავშვისთვის დაზარალებულის სტატუსის არ მინიჭებას; დამატებითი ჩვენების მიღებაზე უარს; გაუმართლებელ და მატრავმირებელ სამედიცინო ექსპერტიზას; გამომძიებლის არაპროფესიონალურ კითხვებს, რომლებიც ბავშვს საკუთარი თავის დადანაშაულების განცდას უჩენდა. სტრასბურგის სასამართლომ დაადგინა კონვენციის მე-3 (არაადამიანური ან დამამცირებელი მოპყრობის აკრძალვა) და მე-8 (პირადი და ოჯახური ცხოვრების პატივისცემა) მუხლების დარღვევა. ამავე გადაწყვეტილებით, სახელმწიფოს არასრულწლოვანის სასარგებლოდ 10,000 ევროს კომპენსაციის გადახდა დაეკისრა." - ნათქვამია ორგანიზაცია "საფარის განცხადებაში.
სულხან თამაზაშვილი- ნანგრევებიდან ამოვიყვანეთ ექვსი გარდაცვლილი, სამაშველო ღონისძიებები ფაქტობრივად დასრულებულია
საქართველოს კათოლიკოს-პატრიარქმა მოსკოვში საქართველოს მართლმადიდებელი ეკლესიის დელეგაცია გაგზავნა
ტრამპის წარმომადგენელმა განაცხადა, რომ რუსეთი დათანხმდა უკრაინისთვის უსაფრთხოების გარანტიებს ნატოს კოლექტიური თავდაცვის პუნქტის შესაბამისად
მიხეილ სარჯველაძემ ინგოროყვას კლინიკაში ფონიჭალაში მომხდარი აფეთქების შედეგად დაშავებულები მოინახულა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



