უკრაინის პრეზიდენტის, ვოლოდიმირ ზელენსკის ცნობით, 25 ნოემბერს რუსეთმა უკრაინის წინააღმდეგ 460-ზე მეტი დრონი და სხვადასხვა ტიპის 22 რაკეტა გამოიყენა.

ამის შესახებ ნათქვამია ზელენსკის მიერ სოციალურ ქსელებში გამოქვეყნებულ განცხადებაში.

ზელენსკის თქმით, დარტყმების მთავარი სამიზნე ენერგეტიკული და სამოქალაქო ინფრასტრუქტურა იყო.

პრეზიდენტის ცნობით, ამჟამად ცნობილია ექვსი დაღუპულისა და 13 დაშავებულის შესახებ.

„არის ნგრევა ოდესის ოლქში: დარტყმები განხორციელდა პორტებზე, სურსათის მარაგებსა და ინფრასტრუქტურაზე, არანაირი სამხედრო ხასიათის ობიექტები. ასევე, დარტყმებია დნეპროპეტროვსკის, ხარკოვის, ჩერნიგოვის და ჩერკასის ოლქებზე. მთავარი სამიზნეები იყო ენერგეტიკა და ყველაფერი, რაც ნორმალურ ცხოვრებას უზრუნველყოფს. რუსებმა სულ გამოიყენეს სხვადასხვა ტიპის 22 რაკეტა, მათ შორის აერობალისტიკური რაკეტები და 460-ზე მეტი დრონი, რომელთა უმეტესობა რუსეთ-ირანის „შაჰედები“ იყო“, – წერს ზელენსკი.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა