საქართველოს ახალგაზრდა იურისტთა ასოციაციამ (საია) 2025 წლის 4 ოქტომბრის ადგილობრივი თვითმმართველობის არჩევნების პერიოდის ანალიტიკური მიმოხილვის ანგარიში გამოაქვეყნა. 

ანგარიშის თანახმად, წინასაარჩევნო პერიოდის დაკვირვებით, არჩევნები ღრმა პოლიტიკური კრიზისის და არასაკმარისი დებატების პირობებში ჩატარდა, რასაც თან ახლდა ოპოზიციური პარტიების ნაწილის ბოიკოტი და მოსახლეობისადმი მოწოდება, არ მიეღოთ მონაწილეობა არჩევნებში. 

საია ანგარიშში წერს, რომ წინასაარჩევნო პერიოდი ხასიათდებოდა რეპრესიულობით და გაუარესებული საარჩევნო კანონმდებლობით.

"ადგილობრივი თვითმმართველობა დემოკრატიული მმართველობის საფუძველია, რადგან სწორედ ადგილობრივი წარმომადგენლობები უზრუნველყოფენ მოსახლეობის საჭიროებების, ინტერესებისა და პრიორიტეტების ასახვას პოლიტიკურ გადაწყვეტილებებში. ამგვარი წარმომადგენლობა ქმნის პოლიტიკური ჩართულობის, ანგარიშვალდებულებისა და დემოკრატიული ლეგიტიმაციის საფუძველს. 2025 წლის 4 ოქტომბრის ადგილობრივი თვითმმართველობის არჩევნების შემთხვევაში კი, ამ დემოკრატიული ფუნქციის სრულყოფილი რეალიზება შეზღუდული აღმოჩნდა.

არჩევნები ჩატარდა ღრმა პოლიტიკური კრიზისისა და არასაკმარისი დებატების პირობებში, რასაც თან ახლდა ოპოზიციური პარტიების ნაწილის ბოიკოტი და მოსახლეობისადმი მოწოდება, არ მიეღოთ მონაწილეობა არჩევნებში. წინასაარჩევნო პერიოდი ხასიათდებოდა რეპრესიულობით და გაუარესებული საარჩევნო კანონმდებლობით, რაც არსებითად ზღუდავდა კონკურენტულობას და პოლიტიკური/საარჩევნო გარემოს სამართლიანობას". - ნათქვამია დოკუმენტში.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა