ყველა, ვისაც ეს ყალბი შეთითხნილი ბრალდებები აქვს წაყენებული, არა მხოლოდ საქართველოს, არამედ მთელი ევროპის გმირია, - ასე ეხმაურება საქართველოზე ევროპარლამენტის მუდმივი მომხსენებელი, ევროპარლამენტარი რასა იუკნევიჩიენე საქართველოს პროკურატურის მიერ, საბოტაჟის, მტრულ საქმიანობაში დახმარების და ხელისუფლების დამხობის მოწოდების საქმეზე, ოპოზიციონერი პოლიტიკოსების წინააღმდეგ სისხლის სამართლებრივი დევნის დაწყებას.

„„ქართული ოცნების“ რეჟიმი სრული სასოწარკვეთის მდგომარეობაში უკონტროლოდ, აგრესიულად იქცევა. ყველა, ვისაც ეს ყალბი შეთითხნილი ბრალდებები აქვს წაყენებული, არა მხოლოდ საქართველოს, არამედ მთელი ევროპის გმირია“, - წერს რასა იუკნევიჩიენე სოციალურ პლატფორმა X-ზე.

ელენე ხოშტარია, ზურაბ გირჩი ჯაფარიძე და გიორგი ვაშაძე, ინფორმაციას და დოკუმენტურ მასალას, მათ შორის, საჯარო სამსახურში დასაქმებულ პირთა სიებს, პერიოდულად სანქციების დასაწესებლად აწვდიდნენ უცხო სახელმწიფოების წარმომადგენლებს. - ამის შესახებ, ოლიგარქ ბიძინა ივანიშვილის გენერალურმა პროკურორმა გიორგი გვარაკიძემ ბრიფინგზე თქვა.

მისი მტკიცებით, შედეგად, სხვადასხვა ქვეყნების მხრიდან, სანქციები დაუწესდა მთლიანობაში საქართველოს 300-მდე მოქალაქეს, მათ შორის პოლიტიკური თანამდებობის პირებს, საჯარო მოხელეებს და ცალკეულ ბიზნესმენებს.

ავტორი: ექსპრესნიუსი,

სოციალური ქსელები

ყაველაშვილი: ნაყიდი აგენტები არიან, ნახირივით დააყენებენ და ერთხმად ალაპარაკებენ იქიდან გამოგზავნილ ტექსტს

ზელენსკი: ფენომენალურია, რამდენს იხდის პუტინი მხოლოდ იმისთვის, რომ ეს ომი არ დაასრულოს

მედია: ევროპელმა ლიდერებმა ტრამპთან უკრაინის საკითხი განიხილეს

Minval: თბილისის სატარიფო დემარშის პასუხად, ბაქო სომხეთამდე რკინიგზის აღდგენას განიხილავს