2025-11-03 15:44:28, 787 ნახვა
პოლიტიკა
ოცნების მთავრობამ ეკლესიას სენაკსა და თიანეთში მიწა და შენობა 1 ლარად მიჰყიდა
ქართული ოცნების მთავრობამ საქართველოს მართლმადიდებელ ეკლესიას თიანეთისა და სენაკის მუნიციპალიტეტებში, სახელმწიფო საკუთრებაში არსებული, ჯამში 5 603 კვადრატული მეტრი მიწის ნაკვეთი და შენობა-ნაგებობა პირდაპირი შესყიდვის ფორმით გადასცა.
განკარგულებას, რომელიც 28 ოქტომბრით თარიღდება, ქართული ოცნების პრემიერი ირაკლი კობახიძე აწერს ხელს.
განკარგულების თანახმად, სახელმწიფო ქონება მუნიციპალიტეტებში თითო ლარად გაიყიდა - ეკლესიამ ხელშეკრულების გაფორმებიდან 1 თვის ვადაში ჯამში 2 ლარი უნდა გადაიხადოს.
განკარგულების თანახმად, სენაკის მუნიციპალიტეტში ეკლესიას 1 ლარად 4 მიწის ნაკვეთი მიჰყიდეს.
თიანეთის მუნიციპალიტეტში კი დაბა თიანეთში მდებარე 3 415 კვ/მ არასასოფლო-სამეურნეო დანიშნულების მიწის ნაკვეთი და მასზე მდგომი შენობა-ნაგებობა.
ავტორი: ექსპრესნიუსი,
epn.ge (@expressnews.ge)
