რესპუბლიკელი კონგრესმენი ჯო უილსონი აცხადებს, რომ შეფერხება, რომელსაც MEGOBARI აქტი სენატის ზედა პალატაში წააწყდა მხოლოდ საკანონმდებლო პროცესია და ამას აუცილებლად გადალახავენ.

ჯო უილსონმა „ფორმულას“ გადაცემა „გეოპოლიტიკაში“ ისაუბრა.

„მე ძალიან ოპტიმისტურად ვარ განწყობილი, როგორც უკვე გითხარით, სწორედ ქართველმა ხალხი გახდა შთაგონება ამერიკელებისათვის, მეგობარმა აქტმა 90%-იანი მხარდაჭერა მიიღო წარმომადგენელთა პალატაში, ხოლო 95%-იანი მხარდაჭერა სენატში, მაგრამ ზედა პალატაში შეფერხება უბრალოდ საკანონმდებლო პროცესია და ჩვენ ამას გადავლახავთ.

დღეს აშშ-ში გვაქვს მთავრობის საქმიანობის დროებითი შეჩერება – იგივე shutdown. ეს ერთგვარი ჩიხია რესპუბლიკელებსა და დემოკრატებს შორის. ეს აფერხებს კონგრესის ფუნქციონირებას, უკვე 3 კვირაა ვერ შევიკრიბეთ.

სენატში ბიუჯეტის დამტკიცებას 60 ხმა სჭირდება, რესპუბლიკელებმა მოიპოვეს 55 ხმა, მაგრამ ვიდრე 60 ხმა არ გვექნება, აშშ-ის მთავრობის მუშაობა და სხვა კანონპროექტები შეჩერდება. ამ ყველაფერს არავითარი კავშირი არ აქვს მეგობარ აქტთან, ეს შიდა პოლიტიკურ უთანხმოებებს ეხება, რაც დემოკრატიის პრინციპებითაა გამოწვეული. ყველას ხმა უნდა იყოს გათვალისწინებული, ამ გადაწვყვეტილებას კი 60 ხმა სჭირდება. ასე რომ, „მეგობარი აქტი“, საბოლოოდ აუცილებლად დამტკიცდება, რადგან ის შთაგონებულია საქართველოს ხალხის მიერ“ — თქვა ამერიკელმა კონგრესმენმა ჯო უილსონმა „ფორმულას“ გადაცემა „გეოპოლიტიკაში“

ავტორი: ექსპრესნიუსი,

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო