ბიზნესმენ ლევან ჯანგველაძის შეკვეთილ მკვლელობაში ბრალდებულმა გელა უძილაურმა ნაფიც მსაჯულთა წინაშე წარდგენაზე უარი თქვა. ბრალდებულის თქმით, მას სურს, საქმე მოსამართლემ განიხილოს.

ადრე პროკურორმა ლევან ვეფხვაძემ საქმის სასამართლოში არსებითი განხილვისთვის გადაცემის შუამდგომლობა შეიტანა. დაცვის მხარე ამტკიცებდა, რომ საქმე არ იყო გამოძიებული და არ შეიძლებოდა სასამართლოში არსებითი განხილვისთვის გადაცემა. მათ საქმის გამოძიებაში დაბრუნების შუამდგომლობა შეიტანეს.

დღეს აღკვეთის ღონისძიება გადაიხედა. პროკურორის თქმით, საქმეში შეგროვებული მტკიცებულებები ადასტურებს, რომ უძილაურმა ჯანგველაძის მკვლელობა ფულის სანაცვლოდ შეუკვეთა, მტკიცებულებები გაანადგურა და მისი გათავისუფლების სამართლებრივი საფუძველი არ არსებობს. ადვოკატებმა გელა უძილაურისთვის გირაოს სახით აღკვეთის ღონისძიების შერჩევით შუამდგომლობა შეიტანეს, თუმცა მოსამართლემ აღკვეთის ღონისძიება პატიმრობის სახით ძალაში დატოვა.

წინასწარ სხდომაზე ასევე განიხილეს მტკიცებულებების დასაშვებობა. ბრალდებულმა განაცხადა, რომ მან დუმილის უფლება გამოიყენა.

ჯანგველაძის მკვლელობის საქმეზე კიდევ ექვს პირს წაუყენეს ბრალი, მათ შორის ძმებს, დავით და გიორგი მიქაძეებს. მათ მკვლელობის შეკვეთაში ედებათ ბრალი.

ჯანგველაძე ჭავჭავაძის გამზირზე 14 მარტს მოკლეს. უძილაურს ბრალი 20 წლამდე ან უვადო პატიმრობას ემუქრება.

შემდეგი სასამართლო სხდომა 8 სექტემბერს გაიმართება.

ავტორი: ექსპრესნიუსი,

სოციალური ქსელები

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს