თბილისის საქალაქო სასამართლოში აქციების დროს სისხლის სამართლის წესით დაკავებული 8 პირის პროცესი გაიმართა. 

მოსამართლე თამარ მჭედლიშვილმა შეფარდებული აღკვეთის ღონისძიება სავალდებულო წესით გადასინჯა - მჭედლიშვილის თქმით, არსებობს ახალი დანაშაულის ჩადენის საფრთხე, რის გამოც რვავე ბრალდებული კვლავ პატიმრობაში დატოვა.

"მიმალვის საფრთხეზე სასამართლომ გააკეთა მკაფიო განმარტება, რომ არ არსებობს. შესაბამისად ახალი არგუმენტი არ წარმოუდგენია პროკურატურას და ამ საფრთხეზე აღარც იმსჯელებს და რაც შეეხება განმეორებით დანაშაულს - სასამართლო კიდევ ერთხელ ამბობს, რომ მოცემულ საკითხს იხილავს დასაბუთებული ვარაუდის სტანდარტით და მიაჩნია, რომ ახალი დანაშაულის ჩადენის საფრთხე კვლავ არსებობს" - რადიო თავისუფლების ცნობით, თქვა მოსამართლემ.

საქმეზე ბრალდების მხარის მტკიცებულებების გამოკვლევა დასრულებულია, სასამართლო დაცვის მტკიცებულებებს განიხილავს.

სამ ბრალდებულს, ზვიად ცეცხლაძეს, ვეფხია კასრაძესა და ვასილ კაძელაშვილს ჯგუფური ძალადობის ორგანიზებასა და ხელმძღვანელობას ედავებიან - მათ 6-დან 9- წლამდე თავისუფლების აღკვეთა ემუქრებათ.

ხუთს კი - ირაკლი მიმინოშვილს, ინსაფ ალიევს, თორნიკე გოშაძეს, ნიკოლოზ ჯავახიშვილსა და გიორგი გორგაძეს ჯგუფურ ძალადობაში მონაწილეობას ედავებიან. მათ 4-დან 6-წლამდე თავისუფლების აღკვეთა ემუქრებათ.

ავტორი: ექსპრესნიუსი,

სოციალური ქსელები

დუბაის პრინცმა ინდოელი flydubai-ს პილოტი, კაპიტანი სმიტ მაჩჰარი საავადმყოფოში მოინახულა

კირცხალია პატიმრის გაუპატიურებაზე - უტევენ იმას, სადაც არის რეალურად ჯანსაღი სიტუაცია, სადაც არის მაღალი სტანდარტები

მოვუწოდებთ ევროკავშირს, მიზანმიმართული სანქციები დაუწესოს იმ პირებს, რომლებიც საქართველოში რეპრესიებსა და დემოკრატიისთვის ძირის გამოთხრაზე არიან პასუხისმგებელი - ALDE Party

NYT: აშშ-სა და რუსეთს შორის უკრაინასთან დაკავშირებული მოლაპარაკებები ლუკოილის აქტივების მრავალმილიარდიანი გარიგების საგანია