|
2025-06-12 19:09:09, 1078 ნახვა
სამართალი
ეკა მიშველაძე - სხდომა იყო ცირკი, ფარსი და ტყუილების კორიანტელი, სამართალთან და სიმართლესთან არანაირი კავშირი არ ჰქონდა
სხდომა იყო ცირკი, ფარსი და ტყუილების კორიანტელი, სამართალთან და სიმართლესთან არანაირი კავშირი არ ჰქონდა. საერთოდ, რას მედავებიან, რაზე ჩივიან, ეს არის გამოხატვისა და სიტყვის თავისუფლების შეზღუდვა, არაფერ შუაში არ არის ყველაფერი ის, რაზეც ლაპარაკობენ , - ამის შესახებ ტელეწამყვანმა ეკა მიშველაძემ სასამართლო სხდომის დასრულების შემდეგ განაცხადა, სადაც ის პოლიტიკური თანამდებობის პირის შეურაცხყოფისთვის იყო დაბარებული. როგორც მიშველაძემ ჟურნალისტებს განუცხადა, მან პროცესზე ნაცემი ადამიანების ფოტოები მიიტანა და რიტორიკულად იკითხა, ამ დანაშაულებზე ვინმე თუ იყო დასჯილი. “დღევანდელი სხდომა დასრულდა და ხვალისთვის გადაიდო სარეზოლუციო ნაწილი ანუ განაჩენს ხვალ გამოაცხადებს მოსამართლე. შსს-მ მოითხოვა ჯარიმა და ხვალ ვნახავთ, რა იქნება. ალბათ ჯარიმას დამაკისრებენ, სხვა რა უნდა იყოს. თავად სხდომას რაც შეეხება, ცირკი, ფარსი და ტყუილების კორიანტელი იყო. სამართალთან და სიმართლესთან არანაირი კავშირი არ ჰქონდა. საერთოდ, რას მედავებიან, რაზე ჩივიან, ეს არის გამოხატვისა და სიტყვის თავისუფლების შეზღუდვა, არაფერ შუაში არ არის ყველაფერი ის, რაზეც ლაპარაკობენ ესენი. ზუსტად ვიცი, რაც იქნება და როგორც იქნება, მაგრამ მე დღეს უბრალოდ მოვედი მხოლოდ და მხოლოდ იმიტომ, რომ ჩემი სათქმელი მეთქვა. მოვიტანე ნაცემი ადამიანების ფოტოები და მარიამ ლაშხის გასაგონად, იმ ახალგაზრდას გასაგონად, შსს-ს ვინც წარმოადგენდა, მოსამართლის გასაგონად დავსვი კითხვა - ამ ადამიანებზე მოძალადეები, ვინმე დასჯილა? ვინმეს პასუხისმგებლობა დამდგარა? იცით, ვინ არიან ეს ადამიანები-მეთქი? მოსამართლემ მითხრა, მე თქვენ კითხვას ვერ დამისვამთო, მე კი ვუპასუხე, რომ რიტორიკულ კითხვას ვსვამდი და ჩემს სათქმელს ვამბობდი”, - განაცხადა ეკა მიშველაძემ. ცნობისთვის, პოლიტიკოსებსა და აქტივისტებს შს სამინისტრო ადმინისტრაციულ სამართალდარღვევათა კოდექსის 173-16 პრიმა მუხლის დარღვევას ედავება, რომელიც პოლიტიკური თანამდებობის პირის შეურაცხყოფას გულისხმობს. მუხლი სასჯელის სახედ 1500 ლარიდან - 4000 ლარამდე ჯარიმას, ან ადმინისტრაციული პატიმრობას 45 დღემდე ვადით ითვალისწინებს.
22 ნოემბერი გლოვის დღედ გამოცხადდა
სულხან თამაზაშვილი- ნანგრევებიდან ამოვიყვანეთ ექვსი გარდაცვლილი, სამაშველო ღონისძიებები ფაქტობრივად დასრულებულია
საქართველოს კათოლიკოს-პატრიარქმა მოსკოვში საქართველოს მართლმადიდებელი ეკლესიის დელეგაცია გაგზავნა
ტრამპის წარმომადგენელმა განაცხადა, რომ რუსეთი დათანხმდა უკრაინისთვის უსაფრთხოების გარანტიებს ნატოს კოლექტიური თავდაცვის პუნქტის შესაბამისად
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



