|
2025-05-30 19:39:17, 1190 ნახვა
სამართალი
მზია ამაღლობელის ადვოკატი - ეჭვი არ გვეპარებოდა, რომ ტკივილზე საუბარი სიმულაციაა
ჩვენ ისედაც ეჭვი არ გვეპარებოდა, რომ ტკივილზე საუბარი სიმულაციაა, სხვათა შორის, წინა პროცესზე ეს დაადასტურა ბრალდების ექსპერტმაც. დღევანდელ პროცესზე სხვა კუთხით ისაუბრა ჩვენმა ექსპერტმა. მიუხედავად იმისა, რომ ტკივილი სუბიექტურია, მას აქვს ობიექტური გამოვლინებების ნიშნები, მოწმემ ისაუბრა ბუნებრივ რეფლექსებზე, რაც ამ შემთხვევაში ირაკლი დგებუაძეს არ ჰქონია, - ამის შესახებ „ბათუმელებისა“ და „ნეტგაზეთის“ დამფუძნებლის მზია ამაღლობელის ადვოკატმა მაია მწარიაშვილმა სასამართლო სხდომის დასრულების შემდეგ განაცხადა. დღევანდელ სხდომაზე დაცვის მხარემ ფიზიოლოგიური ტკივილის სპეციალისტი, მედიცინის მეცნიერებათა დოქტორი თათია ანდღულაძე გამოჰკითხა. მწარიაშვილის თქმით, ანდღულაძემ დგებუაძის მდგომარეობა იმ ვიდეოებით შეაფასა, რომელიც სილის გაწვნის დროს და სილის გაწვნიდან 2 წუთის შემდეგ არის გადაღებული. “დღევანდელ პროცესზე დავიწყეთ დაცვის მტკიცებულებების გამოკვლევა და იმ მოწმეების დაკითხვა, რომელიც სასამართლომ დაგვიტოვა. მოგეხსენებათ, რომ სასამართლომ ჩვენი მოწმეების უმრავლესობა ამორიცხა. დღეს დავკითხეთ 20-წლიანი საექიმო პრაქტიკული გამოცდილების მქონე მოწმე სპეციალისტის სახით, რომელთან ერთადაც დავათვალიერეთ ვიდეოები, რომლებიც ეხება სილის გაწვნის ეპიზოდს, ასევე, სილის გაწვნის ეპიზოდიდან 2 წუთის შემდეგ გადაღებული ვიდეოები, სადაც ბატონი დგებუაძის სახე კარგად ჩანს ახლო მანძილიდან. მოწმემ სასამართლოს ძალიან კარგად აუხსნა, რომ ტკივილს უნდა ჰქონდეს ობიექტური გამოვლინებები, რათა დავინახოთ, რომ შესაძლებელია, მართლა ტკივილთან გვქონდეს საქმე. ასევე, ძალიან კარგად ახსნა მიმიკების, ჟესტიკულაციის, ადამიანის მოტორიკისა და ბუნებრივი რეფლექსების შესახებ, როგორ რეაგირებს ადამიანი ნებისმიერ ტკივილზე. მან ახსნა, რომ ამ კადრებში ბატონ დგებუაძეს არ აღენიშნება რაიმე ობიექტური ნიშანი, რაც დამკვირვებელს დაარწმუნებდა, რომ მან მართლაც განიცადა ტკივილი. ჩვენ ისედაც ეჭვი არ გვეპარებოდა, რომ ტკივილზე საუბარი სიმულაციაა, სხვათა შორის, წინა პროცესზე ეს დაადასტურა ბრალდების ექსპერტმაც. დღევანდელ პროცესზე სხვა კუთხით ისაუბრა ჩვენმა ექსპერტმა. მიუხედავად იმისა, რომ ტკივილი სუბიექტურია, მას აქვს ობიექტური გამოვლინებების ნიშნები, მოწმემ ისაუბრა ბუნებრივ რეფლექსებზე, რაც ამ შემთხვევაში ირაკლი დგებუაძეს არ ჰქონია”, - განაცხადა მაია მწარიაშვილმა. ცნობისთვის, მზია ამაღლობელს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს.
უკრაინამ სმოლენსკთან რუსეთის უმსხვილეს ასაფეთქებელი ნივთიერებების კომპონენტების მწარმოებელ კომპანიას დაარტყა
22 ნოემბერი გლოვის დღედ გამოცხადდა
სულხან თამაზაშვილი- ნანგრევებიდან ამოვიყვანეთ ექვსი გარდაცვლილი, სამაშველო ღონისძიებები ფაქტობრივად დასრულებულია
საქართველოს კათოლიკოს-პატრიარქმა მოსკოვში საქართველოს მართლმადიდებელი ეკლესიის დელეგაცია გაგზავნა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



