|
2025-05-27 14:48:22, 1067 ნახვა
სამართალი
ზურაბ ჯაფარიძის ადვოკატი - პენიტენციურ დაწესებულებაში განთავსების შემდეგ, მისი არც ერთი უფლება არ დარღვეულა
„კოალიცია ცვლილებისთვის" ერთ-ერთი ლიდერი, ბრალდებული ზურაბ გირჩი ჯაფარიძე რუსთავის მე-12 პენიტენციურ დაწესებულებაში ადვოკატმა ბორის ჩელე ყურუამ მოინახულა. როგორც ყურუა აცხადებს, ჯაფარიძე თავს მხნედ გრძნობს. „თავს კარგად გრძნობს, რამდენადაც შეიძლება უსამართლოდ ციხეში ჩასმული ადამიანი თავს კარგად გრძნობდეს, არის მხნედ. მას აბსოლუტურად კარგად ჰქონდა გააზრებული, რა ბრძოლაში შედიოდა და რა ეტაპი დაიწყო მისი ციხეში ჩასმით. მთავარი გზავნილი ზურას მაშინ ჰქონდა, როცა დააკავეს, ხელბორკილები დაადეს, მან თქვა, რომ საბოლოოდ ჩვენ გავიმარჯვებთ და ის ისევ ამ აზრზეა. ჩვენ რაზეც ვისაუბრეთ, იქიდან გამომდინარე, ეტაპირებისას და პენიტენციურ დაწესებულებაში განთავსების შემდეგ, მისი არც ერთი უფლება არ დარღვეულა, მას ექცევიან, როგორც ჩვეულებრივ პატიმარს. ტელევიზორი ჯერ არ აქვს, ესეც სტანდარტული პროცედურაა, მას შემდეგ, რაც გაუხსნიან ბარათს, შეეძლება ტელევიზორის ქონა",- განაცხადა ყურუამ. ცნობისთვის, ზურაბ გირჩი ჯაფარიძე საქართველოს პარლამენტის დროებით საგამოძიებო კომისიაზე ახსნა-განმარტებისთვის დაიბარეს, სადაც ის არ გამოცხადდა. აღნიშნულის შემდეგ მას ბრალდება სისხლის სამართლის კოდექსის 349-ე მუხლით წაუყენეს, რაც "საქართველოს პარლამენტის დროებითი საგამოძიებო კომისიის მოთხოვნის შეუსრულებლობას" გულისხმობს, აღნიშნული ისჯება ჯარიმით ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე. ჯაფარიძეს სასამართლომ ჯაფარიძეს აღკვეთის ღონისძიების სახით 20 000-ლარიანი გირაო შეუფარდა, რაც მან არ გადაიხადა. სწორედ აღნიშნული გახდა მის მიმართ შეფარდებული გირაოს პატიმრობით შეცვლის საფუძველი. ზურაბ გირჩი ჯაფარიძე 22 მაისს, სასამართლოს სხდომათა დარბაზში დააკავეს.
უკრაინამ სმოლენსკთან რუსეთის უმსხვილეს ასაფეთქებელი ნივთიერებების კომპონენტების მწარმოებელ კომპანიას დაარტყა
22 ნოემბერი გლოვის დღედ გამოცხადდა
სულხან თამაზაშვილი- ნანგრევებიდან ამოვიყვანეთ ექვსი გარდაცვლილი, სამაშველო ღონისძიებები ფაქტობრივად დასრულებულია
საქართველოს კათოლიკოს-პატრიარქმა მოსკოვში საქართველოს მართლმადიდებელი ეკლესიის დელეგაცია გაგზავნა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



