წულუკიანის კომისიაზე გამოუცხადებლობის გამო, კოალიცია ცვლილებისთვის ერთ-ერთი ლიდერის, ნიკა გვარამიას წინააღმდეგ აღძრული საქმე სასამართლოს არსებითად განსახილველად გადაეცა. გადაწყვეტილება მოსამართლე ლევან გელოვანმა მიიღო. 

დღევანდელ პროცესზე დაცვის მხარე სისხლისსამართლებრივი დევნის შეწყვეტას ითხოვდა, ბრალდების მხარის განცხადებით, კი გვარამიას წინააღმდეგ დევნის შეწყვეტის საფუძველი არ არსებობს, რადგან მაღალი ალბათობის სტანდარტით, მის წინააღმდეგ სისხლის სამართლის საქმეზე გამამტყუნებელი განაჩენი დადგება.

გარდა ამისა, ნიკა გვარამიამ და მისმა ადვოკატებმა დღევანდელ სხდომაზე განაცხადეს, რომ პარლამენტის დროებით საგამოძიებო კომისიაზე არ გამოცხადებისთვის, საქმე ადმინისტრაციული სამართალდარღვევათა კოდექსით უნდა აღძრულიყო და არა სისხლის, რადგან საქართველოს ადმინისტრაციულ სამართალდარღვევათა კოდექსში არსებობს ზუსტად იგივე შინაარსის 173-ე მე-3 მუხლი [ საქართველოს პარლამენტის დროებითი საგამოძიებო კომისიის მოთხოვნის შეუსრულებლობა – გამოიწვევს დაჯარიმებას შრომის ანაზღაურების ორმოცდაათი მინიმალური ოდენობით].

პროკურატურამ დაცვის მხარის პასუხად განაცხადა, რომ მსგავს საქმეებზე სისხლის სამართლებრივი პასუხისმგებლობის დაკისრება 1999 წლიდან გამოიყენება. მოსამართლის განცხადებით, ორივე კოდექსში ერთნაირი მუხლის არსებობა "კანონის ლაფსუსია".

"ბრალდების მხარის მტკიცებულებათა ერთობლიობა ალბათობის მაღალი ხარისხით საკმარისია ვარაუდისთვის, რომ ბრალდებულის მიმართ გამოტანილი იქნება გამამტყუნებელი განაჩენი. გარდა ამისა, სასამართლო განმარტავს, რომ ყველა მტკიცებულება არის სადავო და უნდა მოხდეს მათი გამოკვლევა არსებითი განხილვის სხდომაზე და მოსამართლე, რომელიც არსებითად განიხილავს სისხლის სამართლის საქმეს, საბოლოოდ შეაფასებს ბრალად შერაცხულ ქმედებას". - განაცხადა მოსამართლე ლევან გელოვანმა.

სხდომის შემდეგ ნიკა გვარამიამ განაცხადა, რომ ის გირაოს არ გადაიხდის.

"სხვა მოლოდინი არც გვქონია არც მე და არც ჩემს ადვოკატებს, მარტივი საკითხია ცეცხლი ოლიგარქიას. 10-დან 10 შემთხვევაში, მოსამართლე, რომელიც არ იქნებოდა წინასწარი ინსტრუქტაჟის ქვეშ მიიღებდა გადაწყვეტილებას ჩვენ სასარგებლოდ.

ყველაფერს რომ თავი დავანებით, ეს პროცესი არის სისხლის სამართლის ნორმის არ არსებობის პირობებში ჩატარებული პროცესი.

მე გირაოს არ გადავიხდი, ეს არის ჩემი პრინციპული და შინაგანი რწმენით განპირობებული გადაწყვეტილება" - განაცხადა ნიკა გავრამიამ სხოდმის შემდეგ.

წულუკიანის კომისიაზე გამოიცხადებლობის გამო, ნიკა გვარამიას 30 000-ლარიანი გირაო 17 აპრილს შეეფარდა.

ცნობისთვის, 19 მაისს სასამართლოს არსებითაც განსახილველად გადაეცა კოალიცია ძლიერი საქართველოს ლიდერების ბადრი ჯაფარიძისა და მამუკა ხაზარაძის საქმეებიც.

ავტორი: ექსპრესნიუსი,

სოციალური ქსელები

შსს: სასიგნალო შეტყობინების შემოსვლის გამო, გამშვებ პუნქტ დარიალიდან ევაკუაცია მოხდა

საქართველოში გერმანიის ახალ ელჩად ბარაბარა ფოსი დაინიშნა

პარტია ლელო : კობახიძის სიტყვები აფხაზეთში საწვავის მიწოდებასთან დაკავშირებით საკმარისი არ არის

გახარიას პარტია: აფხაზეთში კომერციული საწვავის იმპორტი საქართველოს უსაფრთხოებას საფრთხეს უქმნის