საქართველო უკვე აღარ განიხილება, როგორც დასავლეთის რეალური პარტნიორი , - ამის შესახებ „ეკონომიკური პოლიტიკის კვლევის ცენტრის“ უფროსმა მკვლევარმა, გიგი გიგიაძემ განაცხადა მას შემდეგ, რაც GIPA TALKS-ის ფარგლებში, ევროპული უსაფრთხოების არქიტექტურის ფორმირებასა და საქართველოზე მისი გავლენის შესახებ საქართველოს საზოგადოებრივ საქმეთა ინსტიტუტში დისკუსია გაიმართა.

მისი თქმით, იმისთვის, რომ რეალობა შეიცვალოს, აუცილებელია, ახალი საპარლამენტო არჩევნები და ყველა პოლიტპატიმრის გათავისუფლება.

გიგიაძე აცხადებს, რომ არსებულ ფონზე დრო, სამწუხაროდ, „ჩვენს წინააღმდეგ მუშაობს, საქართველოს ყოველი დღე უჯდება ძალიან ძვირი“.

“საქართველოში განვითარებული მოვლენები ცხადყოფს იმას, რომ პოლიტიკური პარტია "ქართული ოცნება" მაქსიმალურად აშორებს ჩვენს ქვეყანას დასავლეთს, ევროკავშირს, ჩვენს დასავლელ პარტნიორებს და იმისათვის, რომ ეს რეალობა შეიცვალოს, აუცილებელია ახალი საპარლამენტო არჩევნები, აუცილებელია ყველა პოლიტპატიმრის გათავისუფლება და აუცილებელია ახალი ხელისუფლების პირობებში ჩვენი ქვეყნის დაბრუნება ევროკავშირთან ურთიერთობებში ჩვეულ რეჟიმში.

დრო, სამწუხაროდ, ჩვენს წინააღმდეგ მუშაობს, საქართველოს ყოველი დღე უჯდება ძალიან ძვირი, იმიტომ, რომ ჩვენი ყოფილი პარტნიორები - უკრაინა და მოლდოვა უკვე მოლაპარაკებების რეჟიმში იმყოფებიან ევროკავშირთან და ისინი სულ სხვა რეალობაში არიან, ჩვენგან განსხვავებით. ეს თუ შენარჩუნდება კიდევ გარკვეული პერიოდის განმავლობაში, საქართველომ, შესაძლოა, ვეღარ მოახერხოს დიდი ხნის მანძილზე ამ ჯგუფში დაბრუნება, ამიტომ, ახლა საუბარი იმაზე, თუ რა მდგომარეობაში ვიმყოფებით, ეს არის ძალიან მძიმე პოლიტიკური კრიზისის პირობებში ყოფნა", - აღნიშნა გიგი გიგიაძემ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს