აზერბაიჯანული მედიის ცნობით, აზერბაიჯანელი პოლიტპატიმრებისა და საზოგადო მოღვაწეების ჯგუფმა ევროკომისიის პრეზიდენტ ურსულა ფონ დერ ლაიენს 1 ივლისს აზერბაიჯანში ვიზიტამდე ღია წერილით მიმართა.

წერილის ავტორები მიესალმნენ ევროკავშირსა და აზერბაიჯანს შორის ურთიერთობების განვითარებას, თუმცა ხაზგასმით აღნიშნეს, რომ გრძელვადიანი თანამშრომლობა მხოლოდ სტრატეგიულ და ეკონომიკურ ინტერესებზე არ უნდა იყოს დაფუძნებული.

მათ მოუწოდეს ევროკომისიის პრეზიდენტს, აზერბაიჯანის ხელმძღვანელობასთან მოლაპარაკებების ცენტრალურ თემად აქციოს ადამიანის უფლებები, კანონის უზენაესობა და ფუნდამენტური თავისუფლებები და მოითხოვოს ყველა პოლიტპატიმრის დაუყოვნებლივი და უპირობო გათავისუფლება.

გარდა ამისა, წერილის ავტორებმა იმედი გამოთქვეს, რომ ფონ დერ ლაიენის ვიზიტი მოიცავს შეხვედრებს დამოუკიდებელ ჟურნალისტებთან, ბლოგერებთან, ადამიანის უფლებათა დამცველებთან და სამოქალაქო საზოგადოების წარმომადგენლებთან, რომლებიც ზეწოლისა და რისკების მიუხედავად აგრძელებენ მუშაობას. ისინი თვლიან, რომ ასეთი ნაბიჯი აჩვენებს ევროკავშირის ერთგულებას არა მხოლოდ სტრატეგიული პარტნიორობის, არამედ დემოკრატიული ღირებულებების დაცვის მიმართაც.

ავტორი: ექსპრესნიუსი,

სოციალური ქსელები

ლე პენი აცხადებს, რომ მზადაა ზელენსკის ბრიუსელში შეხვდეს

Bloomberg: პუტინმა ნატოს შემცირება აშშ-სთან უკრაინასთან დაკავშირებული მოლაპარაკებების პირობად დაასახელა.

სალომე ზურაბიშვილი - ოცნებამ პოლიტიკური ცხოვრება ამ ქვეყანაში უკვე გააუქმა

ევა გოცირიძე ნიკა გვარამიას - ირღვეოდა თუ არა 2004-2012 წლებში ადამიანის უფლებები და იყო თუ არა ამაზე პასუხისმგებელი ენმ?