2025-02-02 18:22:25, 584 ნახვა
სამართალი
თბილისის გასასვლელთან,აქციის მონაწილეებსა და პოლიციას შორის დაპირისპირება იყო
თბილისის გასასვლელთან, ავტომაგისტრალზე, სადაც საპროტესტო აქციის მონაწილეები არიან შეკრებილები, დაძაბულობა შეიმჩნევა.
აღსანიშნავია, რომ აქციის მონაწილეებსა და სამართალდამცავებს შორის შეხლა-შემოხლა და სიტყვიერი დაპირისპირება მოხდა. დემონსტრანტები ცდილობენ, სრულად დაიკავონ გზის სავალი ნაწილი, თუმცა სამართალდამცავები ამის საშუალებას არ აძლევენ.
მიმდებარე ტერიტორიაზე გაძლიერებულია უსაფრთხოების ზომები. თავდაპირველად, აქციის მონაწილეებმა გზის სავალი ნაწილის ერთი მხარე ჩაკეტეს, შემდეგ კი იგი სრულად გადაკეტეს.
პოლიცია მათ მოუწოდებს, რომ საავტომობილო მიმოსვლა არ შეაფერხონ.
ავტორი: ექსპრესნიუსი,
epn.ge (@expressnews.ge)
