მზია ამაღლობელი უკვე 21 დღეა, რაც სრულ შიმშილობაზე იმყოფება. მისი ჯანმრთელობის მდგომარეობაზე განსაკუთრებული პასუხისმგებლობა ეკისრება სახელმწიფოს, რომელიც ვალდებულია, განსაკუთრებული ყურადღებით მოეკიდოს პატიმრის ჯანმრთელობას და ნებისმიერ გართულების შემთხვევაში დროულად მოახდინოს რეაგირება. 

ამასთან, ადვოკატები ითხოვენ, რომ მზია ამაღლობელი მუდმივი სამედიცინო შემოწმების ქვეშ იმყოფებოდეს, ვინაიდან მისი მდგომარეობა და შიმშილობის ხანგრძლივი პერიოდი საჭიროებს უფრო დეტალურ და კომპლექსურ გამოკვლევებს. 

"დროულად მიგვეღო ჩატარებული მკურნალობის შესახებ ინფორმაცია" – აღნიშნავენ ადვოკატები, რომლებიც მხოლოდ 31 იანვარს მიიღეს სრულად სამედიცინო დოკუმენტაცია. 

გადმოცემული სამედიცინო დოკუმენტაციის ანალიზის შედეგად ირკვევა, რომ მზია ამაღლობელს არ უტარდება ყველა ის აუცილებელი პროცედურა, რომელიც მის ანამნეზთან და შიმშილობის პერიოდის ხანგრძლივობასთან გათვალისწინებით, უნდა მიეღო, რათა თავიდან იქნას აცილებული მისი ჯანმრთელობის გაუარესება და შეუქცევადი პროცესების განვითარება. 

ადვოკატები და მზია ამაღლობელის ოჯახის წევრები მოუწოდებენ, რომ შესაბამისმა ორგანოებმა განახორციელონ ყველა საჭირო სამედიცინო პროცედურა მისი მდგომარეობის შემოწმებისთვის. 

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.