2024-10-15 17:47:27, 319 ნახვა
პოლიტიკა
ფიშერი - EU-ის წევრობა საუკეთესო იქნება საქართველოს ეკონომიკისთვის, მაგრამ საქართველომ უნდა გადაწყვიტოს, სურს თუ არა გაწევრიანება
ევროკავშირის წევრობა საუკეთესო იქნება საქართველოს ეკონომიკისთვის, მაგრამ საქართველომ უნდა გადაწყვიტოს, სურს თუ არა გაწევრიანება, - ამის შესახებ საქართველოში გერმანიის ელჩი პეტერ ფიშერი სოციალურ ქსელ X-ზე წერს.
ფიშერი ასევე საქართველოში დღეს არსებულ ეკონომიკურ რისკებთან დაკავშირებითაც საუბრობს და აცხადებს:
“საქართველოში გერმანიის ეკონომიკური გაერთიანების შეხვედრაზე ვთქვი, რომ ევროკავშირის წევრობა საუკეთესო იქნება საქართველოს ეკონომიკისთვის, მაგრამ საქართველომ უნდა გადაწყვიტოს, სურს თუ არა გაწევრიანება. ასევე აღვნიშნე ამჟამინდელი ვითარების ეკონომიკური რისკები საქართველოსთვის: სავალუტო ბაზარი, საკრედიტო რეიტინგი, შეღავათიანი ფინანსები, პირდაპირი უცხოური ინვესტიციები, ვაჭრობა, ტურიზმი და ემიგრაცია”.
ავტორი: ექსპრესნიუსი,
epn.ge (@expressnews.ge)
