2024-10-02 22:54:13, 401 ნახვა
პოლიტიკა
ლაიენი - არჩევნები საქართველოს დემოკრატიისთვის გადამწყვეტი გამოცდა იქნება
არჩევნები გადამწყვეტი გამოცდა იქნება საქართველოს დემოკრატიისთვის და გადამწყვეტი მომენტი ევროკავშირი-საქართველოს ურთიერთობების მომავლისთვის, - ამის შესახებ ევროკომისიის პრეზიდენტი ურსულა ფონ დერ ლაიენი საქართველოს მესამე პრეზიდენტთან, სალომე ზურაბიშვილთან შეხვედრის შემდეგ სოციალურ ქსელ X-ზე წერს.
შეხვედრაზე ურსულა ფონ დერ ლაიენმა საქართველოს პრეზიდენტისადმი პატივისცემა გამოხატა, რადგან როგორც ლაიენმა აღნიშნა, სალომე ზურაბიშვილი საქართველოს ევროპული გზისადმი ერთგულია.
"ძვირფასო პრეზიდენტო, მე დიდ პატივს ვცემ თქვენს ერთგულებას საქართველოს ევროპული გზისადმი. ჩვენ ერთმანეთს მნიშვნელოვან მომენტში შევხვდით, მოახლოებული არჩევნები გადამწყვეტი გამოცდა იქნება საქართველოს დემოკრატიისთვის და გადამწყვეტი მომენტი ევროკავშირი-საქართველოს ურთიერთობების მომავლისთვის", - წერს ლაიენი.
ავტორი: ექსპრესნიუსი,
epn.ge (@expressnews.ge)
