ლავროვის განცხადება დაცინვაა! ჩვენი ქვეყნის გაერთიანების გარანტი ევროკავშირია და არა ლავროვი“, - განაცხადა „ერთიან-ნაციონალური მოძრაობის“ ერთ-ერთმა ლიდერმა სერგო ჩიხლაძემ და რუსეთის საგარეო საქმეთა მინისტრის სერგეი ლავროვის განცხადებას აფასებს.

მისი თქმით, სერგეი ლავროვი იყენებს „ქართული ოცნების“ ანტიქართულ განცხადებებს, რომლებიც ხშირად „ათეთრებს“ რუსეთს.

„ეს კიდევ ერთი ხუმრობაა! ურთიერთობების მოწესრიგება, საქართველოს გაერთიანება და კეთილდღეობა დაკავშირებულია ევროკავშირთან. ჩვენ გავხდებით ევროკავშირის წევრები და ეს პრობლემები მოგვარდება. რაც შეეხება ლავროვს, ეს დაცინვაა! ის იყენებს „ქართული ოცნების“ და ბიძინა ივანიშვილის ანტიქართულ განცხადებებს, რომლებიც ხშირად „ათეთრებს“ რუსეთს. ეს მათ უხდებათ. ჩვენი ქვეყნის გაერთიანების გარანტი ევროკავშირია და არა ლავროვი“, - განაცხადა ჩიხლაძემ.

ცნობისთვის, რუსეთის საგარეო საქმეთა მინისტრის სერგეი ლავროვის განცხადებით, მოსკოვი მზად არის დაეხმაროს საქართველოს „აფხაზეთთან და სამხრეთ ოსეთთან ურთიერთობის ნორმალიზების პროცესში“, თუკი „ქვეყნები“ დაინტერესდებიან ამით, მათ შორის, თავდაუსხმელობის შესახებ შეთანხმებების უზრუნველსაყოფად. .

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია