პარტია "საქართველოსთვის" კოალიცია "ძლიერ საქართველოსთან" მიმდინარე მოლაპარაკებებთან დაკავშირებით განცხადებას ავრცელებს და აღნიშნავს, რომ ამ ეტაპზე შეთანხმების მიღწევა ვერ მოხერხდა.

როგორც განცხადებაშია აღნიშნული, პარტია "საქართველოსთვის" გუნდმა "ყველაფერი დათმო, თუმცა მეორე მხარემ ითხოვა ვადა შიდა კოალიციური შეთანხმებისთვის და მან შიდა კონსესუსს ვერ მიაღწია".

"მადლობას ვუხდით და კიდევ ერთხელ ვუდასტურებთ პატივისცემას საქართველოს პრეზიდენტს, რომელსაც მნიშვნელოვანი როლი აქვს დღეს ქვეყანაში მიმდინარე პოლიტიკურ პროცესებში. სწორედ მისი ინიციატივითა და მოწვევით ვიყავით ჩართული ამ რამდენიმე დღის განმავლობაში მიმდინარე პოლიტიკურ დისკუსიაში.

ასევე, მადლობას ვუხდით “ლელოს” დისკუსიაში მონაწილეობისთვის.

ჩვენი პოლიტიკური გუნდისთვის სახელმწიფოსა და ჩვენი მოქალაქეების საერთო ეროვნული ინტერესები ყოველთვის იდგა უფრო მაღლა, ვიდრე რაიმე სახის პარტიული ან/და პერსონალური ინტერესი.

ასე იყო წარსულში - ჩვენი ხელისუფლებაში ყოფნის დროს, ასეა დღეს - ოპოზიციაში, ასე იქნება მომავალში.

აქედან გამომდინარე, ჩვენ გვერდზე გადავდეთ ჩვენი პარტიული ინტერესები და ყველაფერი დავთმეთ, სანაცვლოდ, მეორე მხარემ ითხოვა ვადა შიდა კოალიციური შეთანხმებისთვის. ჩვენდა სამწუხაროდ, როგორც ჩანს, მეორე მხარემ შიდა კონსესუსს ვერ მიაღწია.

საარჩევნო დრო კონკრეტული გადაწყვეტილებების მისაღებად უკვე შეზღუდულია, შესაბამისად, ამ ეტაპზე შეთანხმების მიღწევა ვერ მოხერხდა.

ჩვენსა და “ლელოს” შორის დაწყებული დისკუსია გვიჩენს პოზიტიურ მოლოდინებს, მომდევნო მოწვევის პარლამენტში თანაშრომლობასთან დაკავშირებით.

ჩვენი პოლიტიკური მიზანია, "ოცნების“ ხელისუფლებიდან გაშვება "ნაციონალური მოძრაობის“ დაბრუნების გარეშე, ქვეყანაში მშვიდობის უზრუნველყოფა და პოლარიზაციის დასრულება", - ნათქვამია განცხადებაში.

შეგახსენებთ, 16 სექტემბერს, საქართველოს პრეზიდენტმა, სალომე ზურაბიშვილმა განაცხადა, რომ "ძლიერი საქართველოს" ლიდერ მამუკა ხაზარაძესა და "საქართველოსთვის" ლიდერ გიორგი გახარიას გაერთიანების საკითხზე​ მოლაპარაკებებისთვის ორბელიანების სასახლეში იწვევდა.

17-18 სექტემბერს, ვიდრე ხაზარაძე და გახარია ზურაბიშვილს შეხვდებოდნენ, პირისპირ შეხვედრები გამართეს. 

ავტორი: ექსპრესნიუსი,

სოციალური ქსელები

„უფლებები საქართველო“ - აფგან სადიგოვი ჯანმრთელობის მდგომარეობის დამძიმების გამო პენიტენციური დაწესებულების საავადმყოფოში გადაიყვანეს

ყაველაშვილი ოპოზიციის ლიდერებზე - ამ უღმერთოებს, უჯიშოებს და უსამშობლოებს დღეს დაემატა უღმერთოება, რატომ არიან უღმერთოები? - მათი ქმედებიდან გამომდინარე

მეტეხის ტაძარში დაწყებული თეატრის 50 წლის ისტორია - ბაზისბანკი, სანდრო მრევლიშვილის თეატრის გენერალური სპონსორია

„თიბისის“ ორგანიზებით Data ღონისძიება ჩატარდა