ესტონეთის საგარეო საქმეთა მინისტრი მარგუს ცაჰკნა საქართველოს პარლამენტის მიერ ჰომოფობიური კანონის მიღებას ეხმაურება.

ცაჰკნა, სოციალურ ქსელში, ამავე საკითხზე საგარეო და უსაფრთხოების საკითხებში ევროკავშირის უმაღლესი წარმომადგენლის, ჯოზეფ ბორელის განცხადებას აზიარებს და წერს:

"საგანგაშოა იმის დანახვა, ოჯახური ფასეულობების დაცვის სახელით, როგორ ლახავს საქართველო ზოგიერთი უმცირესობის უფლებებს",- წერს ცაჰკნა X-ზე.

შეგახსენებთ, საგარეო და უსაფრთხოების საკითხებში ევროკავშირის უმაღლესი წარმომადგენელი ჯოზეფ ბორელი საქართველოს პარლამენტის მიერ ჰომოფობიური კანონის მესამე მოსმენით მიღებას გამოეხმაურა და განაცხადა, რომ აღნიშნული კანონი "ადამიანთა ფუნდამენტურ უფლებებს ძირს გამოუთხრის".

პარლამენტმა ჰომოფობიური კანონპროექტი, სახელწოდებით "ოჯახური ღირებულებებისა და არასრულწლოვანის დაცვის შესახებ", გუშინ, 17 სექტემბერს მიიღო.

ავტორი: ექსპრესნიუსი,

სოციალური ქსელები

პაპუაშვილი - საელჩო არ უნდა აძლევდეს საკუთარ თავს უფლებას, ჩაერიოს ქვეყნის შიდა პოლიტიკურ დებატებში - ამას აკეთებს აშშ-ის საელჩო

ბანგლადეშში წყალდიდობის შედეგად ხუთი ადამიანი დაიღუპა

დედაქალაქში „თბილისობის“ დღეები აღინიშნება

ისრაელის ქალაქ ბეერშებას ცენტრალურ ავტოსადგურში ტერორისტული თავდასხმა მოხდა - არის მსხვერპლი