რიში საქართველოში სანქციებზე -აშშ აკისრებს პასუხისმგებლობას ადამიანის უფლებების დამრღვევებს

2024-09-16 23:58:39, 361 ნახვა

პოლიტიკა

"მოხარული ვარ, აშშ აკისრებს პასუხისმგებლობას ადამიანის უფლებების დამრღვევებს" - ამის შესახებ, რესპუბლიკელმა გავლენიანმა სენატორმა ჯიმ რიშმა განაცხადა.

"მოხარული ვარ იმის ნახვით, რომ აშშ აკისრებს პასუხისმგებლობას საქართველოში ადამიანების უფლებების დამრღვევებს. საქართველოს მოქალაქეებს სიტყვისა და შეკრების უფლების გამოყენება ძალადობის შიშის გარეშე უნდა შეეძლოთ." - დაწერა სენატორმა სოციალურ ქსელ "იქსზე"

აშშ-ის სახელმწიფო დეპარტამენტმა საქართველოს 60-ზე მეტ მოქალაქესა და მათი ოჯახის წევრებს სავიზო შეზღუდვები დაუწესა, - ამის შესახებ აღნიშნულია აშშ-ის სახელმწიფო მდივნის, ენტონი ბლინკენის განცხადებაში

აშშ-ის სახელმწიფო დეპარტამენტის მიერ გავრცელებული განცხადების თანახმად, აღნიშნული პირები პასუხისმგებელნი ან თანამონაწილენი არიან საქართველოში დემოკრატიის შელახვაში.

ავტორი: ექსპრესნიუსი,