შაჰინი: აშშ ყოველთვის მხარს დაუჭერს ქართველი ხალხის მისწრაფებებს ჭეშმარიტი დემოკრატიისკენ

2024-09-16 23:47:27, 400 ნახვა

პოლიტიკა

აშშ ყოველთვის მხარს დაუჭერს ქართველი ხალხის მისწრაფებებს ჭეშმარიტი დემოკრატიისკენ - ამის შესახებ, სენატორმა ჯინ შაჰინმა განაცხადა.

"მოხარული ვარ, რომ ბაიდენის ადმინისტრაციამ სანქცია დაუწესა 4 ქართველ პირს, რომლებიც პასუხისმგებელნი არიან დეზინფორმაციის გავრცელებასა და სამოქალაქო საზოგადოების წინააღმდეგ ძალადობაზე, ასევე სავიზო შეზღუდვები დაუწესა 60 ქართველს. აშშ ყოველთვის მხარს დაუჭერს ქართველი ხალხის მისწრაფებებს ჭეშმარიტი დემოკრატიისკენ." - დაწერა შაჰინმა სოციალურ ქსელ "იქსზე"

აშშ-ის სახელმწიფო დეპარტამენტმა საქართველოს 60-ზე მეტ მოქალაქესა და მათი ოჯახის წევრებს სავიზო შეზღუდვები დაუწესა, - ამის შესახებ აღნიშნულია აშშ-ის სახელმწიფო მდივნის, ენტონი ბლინკენის განცხადებაში

აშშ-ის სახელმწიფო დეპარტამენტის მიერ გავრცელებული განცხადების თანახმად, აღნიშნული პირები პასუხისმგებელნი ან თანამონაწილენი არიან საქართველოში დემოკრატიის შელახვაში.

ავტორი: ექსპრესნიუსი,